Karnataka मुलाकडून बापाचे 32 तुकडे

Publish: Wed, 14 Dec 2022 (10:59 IST) Updated: Wed, 14 Dec 2022 (11:03 IST)

श्रद्धा हत्येचे प्रकरण अजूनही दिल्लीत सुरूच आहे, त्याच दरम्यान कर्नाटकातूनही असेच प्रकरण समोर आले आहे. जिथे एका मुलाने वडिलांची निर्घृण हत्या केली.

श्रद्धाचा लिव्ह इन पार्टनर आफताब याने तिची हत्या केली आणि तिचे 35 तुकडे केले आणि फेकून दिले. आफताब सध्या पोलिसांच्या ताब्यात आहे. एका व्यक्तीची हत्या करून त्याचे तुकडे केल्याची आणखी एक घटना कर्नाटकातील बागलकोटमधून समोर आली आहे. येथे एका मुलाने वडिलांची हत्या करून त्यांचे 32 तुकडे केले. यानंतर त्यांच्या मृतदेहाचे तुकडे बोअरवेलमध्ये टाकण्यात आले.

आरोपीला अटक करण्यात आली 

हे प्रकरण दिल्लीतील श्रद्धा वॉकर खून प्रकरणासारखे आहे. पोलिसांनी अर्थमूव्हर्सच्या साहाय्याने त्या व्यक्तीच्या शरीराचे छिन्नविछिन्न भाग जप्त केल्यावर ही हत्या उघडकीस आली. मुलगा विठ्ठला कुलाली याला अटक करण्यात आली आहे.पोलिसांनी दिलेल्या माहितीनुसार, हा अत्याचार 6 डिसेंबर रोजी झाला होता. रागाच्या भरात 20 वर्षीय विठ्ठलाने वडील परशुराम कुलाली यांची लोखंडी रॉडने वार करून हत्या केली. त्यानंतर त्याच्या मृतदेहाचे तुकडे करण्यात आले. परशुराम कुलाली आपल्या दोन्ही मुलांना अनेकदा शिवीगाळ व मारहाण करत असे. त्यामुळे संतापलेल्या मुलाने ही घटना घडवली. परशुरामलाही दारूचे व्यसन होते, त्यामुळे त्याची पत्नी आणि मुलगा त्याच्यापासून वेगळे राहत होते.
Edited by : Smita Joshi