मोठी बातमी!दिल्ली-मुंबई एक्सप्रेस वे सर्वांसाठी सुरू, फायदा जाणून घ्या
Delhi-Mumbai Expressway :तुम्ही दिल्ली आणि मुंबई दरम्यान प्रवास करत असाल तर तुमच्यासाठी एक मोठी आनंदाची बातमी आहे, कारण दिल्ली-मुंबई एक्सप्रेस वे आज सर्वांसाठी खुला करण्यात आला आहे. 12 नोव्हेंबरपासून म्हणजेच आजपासून मथुरा रोड मार्गे फरिदाबाद, पलवल आणि सोहना येथे जाणाऱ्या कोणत्याही प्रवाशाला लांब ट्रॅफिक जॅममध्ये अडकण्याची गरज नाही.कारण दिल्ली-मुंबई द्रुतगती मार्गावरील 24 किमी लांबीचा विभाग आता सुरू झाला आहे
भारतीय राष्ट्रीय महामार्ग प्राधिकरणाने (NHAI) बांधलेला, हा रस्ता फरिदाबाद सीमेवरील मिठापूरला सोहनाजवळील दिल्ली-मुंबई द्रुतगती मार्गाशी जोडतो, ज्यामुळे या भागातील प्रवास सुलभ होतो.
NHAI भारत माला प्रकल्पांतर्गत फरिदाबाद सेक्टर 65 ला दिल्ली-मुंबई एक्सप्रेसवे जोडण्यासाठी अतिरिक्त मार्ग तयार करत आहे. यासाठी सुमारे 5,500 कोटी रुपये खर्च आला आहे आणि हा महामार्ग DND फ्लायवे ते सोहना येथील दिल्ली-मुंबई द्रुतगती मार्गापर्यंत विस्तारलेला आहे. हा महामार्ग DND ते दिल्ली मुंबई एक्सप्रेस वे सोहना पर्यंत तयार करण्यात आला आहे.
फरीदाबाद सेक्टर-65 साहुपुरा ते सोहना हा 26 किलोमीटर लांबीचा रस्ता यापूर्वीच खुला करण्यात आला आहे. अशा परिस्थितीत या मार्गावरून प्रवास करणारे लोक मिठापूर सीमेवरून फरिदाबाद, पलवल आणि सोहना येथे जाऊ शकतात.
हा महामार्ग सुरू झाल्यानंतर दक्षिण दिल्ली, नोएडा, ग्रेटर नोएडा आणि गाझियाबादमधील लोकांना याचा सर्वाधिक फायदा होणार आहे. यासोबतच मेरठ, हरिद्वार, हापूर, बिजनौर, राजस्थानचे अलवर, भरतपूर, दौसा, जयपूर यांसारख्या शहरात राहणाऱ्या लोकांनाही या नवीन महामार्गाचा फायदा होऊ शकतो
Edited By - Priya Dixit
