सीबीएसई 10वी आणि 12वी टर्म 1 चा निकाल या आठवड्यात येईल!

सीबीएसई इयत्ता 10वी आणि 12वी टर्म 1 च्या परीक्षांचे निकाल लवकरच जाहीर होणार आहेत. बोर्डाच्या अधिकृत सूत्रांनी सीबीएसई टर्म 1 निकाल 2021 ची माहिती दिली आहे . वृत्तानुसार,सीबीएसई इयत्ता 10वी आणि 12वी टर्म 1 चा निकाल या आठवड्यात जाहीर होणार आहे. निकाल जाहीर झाल्यानंतर, सीबीएसई निकालाची लिंक अधिकृत वेबसाइट cbse.gov.in वर सक्रिय केली जाईल. 

अहवालानुसार, सीबीएसई ने 10वी आणि 12वी टर्म 1 च्या निकालाची तयारी पूर्ण केली आहे. सूत्रांचे म्हणणे आहे की सीबीएसई निकाल 2021 टर्म 1 या आठवड्यात कधीही जाहीर केला जाऊ शकतो. येत्या तीन दिवसांत निकाल जाहीर होण्याची शक्यता आहे.

सीबीएसई टर्म 1 चा निकाल 2021 तपासण्यासाठी,  बोर्डाच्या अधिकृत वेबसाइटला भेट देऊ शकता. येथे तुम्ही तुमचा सीबीएसई रोल नंबर आणि पासवर्ड टाकून तुमचे टर्म 1 मार्क तपासू शकता. याशिवाय डिजीलॉकरवरही तुम्ही सीबीएसईचा निकाल पाहू शकता. यासाठी तुमचे सीबीएसई डिजिलॉकरवर खाते असणे आवश्यक आहे. तसे नसल्यास, तुम्ही सीबीएसई डिजिलॉकर वर नोंदणी करू शकता. यानंतर, तुम्ही तुमचा लॉगिन आयडी आणि पासवर्डसह निकाल तपासण्यास सक्षम असाल.