मगरींची शिकार करणाऱ्या रणथंभोरच्या वाघिणीचा मृत्यू

राजस्थानच्या रणथंभोर राष्ट्रीय उद्यानातील लोकप्रिय वाघीण 'एरोहेड' हिचा मृत्यू झाला आहे.  

मिळालेल्या माहितीनुसार रणथंभोर राष्ट्रीय उद्यानातील प्रसिद्ध वाघीण 'एरोहेड' हिचा मृत्यू झाला आहे. एरोहेडला टी-८४ म्हणूनही ओळखले जात होते आणि ती सुमारे ११ वर्षांची होती. अधिकाऱ्यांनी सांगितले आहे की एरोहेड वाघीण फेब्रुवारी २०१४ मध्ये जन्मली होती. एरोहेड ही रणथंभोर पार्कमधील प्रसिद्ध वाघीण 'मछली' हिच्या कुटुंबातील होती. अधिकाऱ्यांनी दिलेल्या माहितीनुसार, एरोहेडचा मृत्यू ब्रेन ट्यूमरमुळे झाला.  

एरोहेड वाघीण काही काळापूर्वी चर्चेचा विषय बनली होती. एरोहेडने एका जलाशयात मगरीची शिकार केली होती. या घटनेचा व्हिडिओही व्हायरल झाला होता. एरोहेडने मगरीची शिकार केल्याने 'मछली' या वाघिणीची आठवण झाली. वाघिणी मछलीला तिच्या शिकार कौशल्यामुळे 'रणथंभोरची राणी' आणि 'मगर शिकारी' म्हणून ओळखले जात असे.

रणथंभोर वन अधिकाऱ्यांनी आणि इतरांनी गुरुवारी एरोहेडला श्रद्धांजली वाहिली आणि नंतर तिचे अंत्यसंस्कार केले. 

Edited By- Dhanashri Naik