संबंधित माहिती
- पश्चिम बंगालमध्ये भाजप नेते सुवेंदू अधिकारी यांच्या खासगी सहाय्यकाची हत्या
- ऑपरेशन सिंदुरच्या वर्षपुर्तीच्या आधी पंजाबमध्ये स्फोट
- पंजाब 'दुहेरी स्फोटाने' हादरले; जालंधर येथील बीएसएफ मुख्यालयानंतर, अमृतसरमधील एका लष्करी छावणीबाहेर स्फोट, हाय अलर्ट जारी
- "मी माझ्या आयुष्यात अशी निवडणूक कधीच पाहिली नाही," पराभवानंतर ममता बॅनर्जी म्हणाल्या
- लग्नाच्या पहिल्या वाढदिवसाच्या ४ दिवस आधी पत्नीची हत्या; शेजारणीच्या प्रेमात पती बनला हैवान
ऑपरेशन सिंदुरच्या वर्षपुर्तीच्या आधी पंजाबमध्ये स्फोट
मंगळवारी पंजाबमधील अमृतसर आणि जालंधर येथे झालेल्या दुहेरी स्फोटांमुळे राज्यात दहशतीचे वातावरण निर्माण झाले आहे.
पंजाबमध्ये दोन स्फोटांनी खळबळ उडवली. जालंधरमधील बीएसएफ मुख्यालयासमोर झालेल्या स्फोटानंतर काही तासांतच, रात्री ११ वाजण्याच्या सुमारास अमृतसरमधील लष्करी छावणीसमोर दुसरा स्फोट झाला. राज्यभरात हाय अलर्ट जारी करण्यात आला आहे. सुरक्षा दल या घटनेचा तपास करत आहे.
जालंधरमध्ये स्कूटीचा स्फोट
मंगळवारी रात्री ८ वाजण्याच्या सुमारास जालंधरमधील गजबजलेल्या बीएसएफ चौकात असलेल्या पंजाब फ्रंटियर मुख्यालयाच्या गेटजवळ एका स्कूटरमध्ये शक्तिशाली स्फोट झाला. प्राथमिक माहितीनुसार, एक ऑनलाइन डिलिव्हरी बॉय पार्सल पोहोचवण्यासाठी आला होता आणि तो स्कूटरकडे परत येत असताना हा स्फोट झाला. स्फोट इतका शक्तिशाली होता की स्कूटरचे तुकडे तुकडे झाले आणि जवळच्या खांबांचेही नुकसान झाले.
अमृतसरमधील लष्करी छावणीबाहेर स्फोट
अमृतसरमधील खासा येथील लष्करी छावणीजवळ (गेट क्रमांक ६ आणि ७ च्या दरम्यान) रात्री ११ वाजण्याच्या सुमारास आणखी एक स्फोट झाला. अमृतसरमधील स्फोटामुळे आजूबाजूच्या परिसरात घबराट पसरली आणि लोक घराबाहेर धावू लागले. या स्फोटामुळे लष्करी छावणीच्या बाहेरील भिंतीवरील पत्र्याचे नुकसान झाले.
मुख्यमंत्री भगवंत मान यांनी या स्फोटांवर प्रतिक्रिया देत भाजपवर गंभीर आरोप केला आहे. ही भाजपची काम करण्याची पद्धत आहे, असे ते म्हणाले. भाजपने या वक्तव्याचा तीव्र शब्दांत निषेध केला आहे. मात्र, या प्रकरणामुळे पंजाबच्या राजकारणात खळबळ उडाली आहे. प्राथमिक तपासात इम्प्रोव्हाइज्ड एक्सप्लोझिव्ह डिव्हाइस (IED) वापरल्याचे संकेत मिळत आहे.
Edited by-Dhanashri Naik
