कौशांबीमधील बेकायदेशीर फटाक्यांच्या कारखान्यात भीषण स्फोट, १० हून अधिक जणांचा मृत्यू
उत्तर प्रदेशातील कौशांबी जिल्ह्यात सोमवारी एका कथित बेकायदेशीर फटाक्यांच्या कारखान्यात झालेल्या भीषण स्फोटामुळे परिसरात घबराट पसरली. स्फोट इतका शक्तिशाली होता की कारखान्याची संपूर्ण इमारत जमीनदोस्त झाली आणि जवळच्या अनेक घरांचे मोठे नुकसान झाले. मुलांसह सुमारे ११ जणांचा मृत्यू झाल्याचे वृत्त आहे, तर अनेक जण जखमी झाले आहे. प्राथमिक माहितीनुसार, कारखान्यात सुमारे २५ कामगार होते.
स्फोटानंतर कारखाना पूर्णपणे उद्ध्वस्त झाला असून, सर्वत्र ढिगाऱ्यांचा खच पडला आहे. स्फोटाचा आवाज अनेक किलोमीटर दूरपर्यंत ऐकू आल्याचे वृत्त आहे. परिसरात धुराचे मोठे लोट पसरले होते. ढिगाऱ्याखाली अडकलेल्यांचा शोध घेण्यासोबतच मदत आणि बचाव कार्य सुरू करण्यात आले आहे.
मुख्यमंत्र्यांनी दुःख व्यक्त केले
मुख्यमंत्री योगी आदित्यनाथ यांनी या दुर्घटनेबद्दल तीव्र दुःख व्यक्त केले आहे. त्यांनी अधिकाऱ्यांना जखमींना सर्वोत्तम वैद्यकीय सेवा देण्याचे निर्देश दिले आहे. मुख्यमंत्र्यांनी प्रशासनाला मृतांच्या कुटुंबीयांच्या संपर्कात राहून त्यांना सर्वतोपरी मदत करण्याचे निर्देशही दिले आहे.
Edited By- Dhanashri Naik
