संबंधित माहिती
- "तू मुस्लिम आहे का?" असे विचारल्यानंतर अमेरिकेत मॉलमध्ये भारतीय तरुणावर चाकू हल्ला
- होर्मुझच्या सामुद्रधुनीत UAE 2 तेलवाहू जहाजांवर इराणचा हल्ला; एका भारतीयाचा मृत्यू
- मध्यरात्री जम्मू आणि काश्मीरमध्ये भूकंपाचे धक्के जाणवले
- बँकॉकमधील पबमध्ये भीषण आग, २७ जणांचा मृत्यू तर अनेक गंभीर जखमी
- चीनमध्ये एका मोठ्या बूट कारखान्यात लागलेला भीषण आगीत 28 जण ठार
पुरी जगन्नाथ रथयात्रेदरम्यान प्रचंड गर्दीमुळे चेंगराचेंगरी; गुदमरून एका भाविकाचा मृत्यू, अनेक जण जखमी झाल्याची भीती
पुरीमध्ये जगन्नाथ रथयात्रेदरम्यान झालेल्या चेंगराचेंगरीत एका व्यक्तीचा मृत्यू झाला आहे. मृताची ओळख पटली आहे.
ओडिशाच्या पुरीमध्ये जगप्रसिद्ध जगन्नाथ रथयात्रेदरम्यान एक दुःखद घटना घडली. जगन्नाथ रथयात्रेदरम्यान भाविकांच्या प्रचंड गर्दीमुळे चेंगराचेंगरी झाली. गुदमरून एका भाविकाचा मृत्यू झाला. इतर अनेक जण जखमी झाल्याची भीती आहे. रथयात्रेदरम्यान मोठा खांब ओढण्यासाठी काही लोक थांबले असताना, गुदमरल्यामुळे एक भाविक कोसळला. त्याला तातडीने पुरी जिल्हा मुख्यालय रुग्णालयात दाखल करण्यात आले. डॉक्टरांनी त्याला मृत घोषित केले.
रथयात्रेदरम्यान प्रचंड गर्दीमुळे मोठी वाहतूक कोंडी झाली, ज्यामुळे ग्रँड रोडवरील अनेक ठिकाणी वाहतूक थांबल्याने भाविकांमध्ये घबराट पसरली. विशेष बचाव पथकाने (SRU) तात्काळ प्रतिसाद देत बचावकार्य सुरू केले आणि गर्दीच्या भागातून भाविकांना बाहेर काढले. तात्पुरत्या वैद्यकीय शिबिरांमध्ये भाविकांना प्रथमोपचार देण्यात आले, तर ज्यांना अधिक उपचारांची आवश्यकता होती त्यांना जवळच्या रुग्णालयांमध्ये दाखल करण्यात आले.
मिळालेल्या माहितीनुसार, भगवान जगन्नाथ, भगवान बलभद्र आणि देवी सुभद्रा यांच्या वार्षिक यात्रेला उपस्थित राहण्यासाठी हजारो भाविक गुंडीचा मंदिराकडे जमले असताना ही घटना घडली.
Edited By- Dhanashri Naik
