1. मराठी बातम्या
  2. महाराष्ट्र न्यूज
  3. राष्ट्रीय
Written By
Last Modified रविवार, 26 मार्च 2023 (11:10 IST)

कर्नाटकात पंतप्रधानांच्या सुरक्षेत दुस-यांदा चूक

कर्नाटकमध्ये पुन्हा एकदा पंतप्रधान नरेंद्र मोदी यांच्या सुरक्षेचा भंग झाल्याची घटना समोर आली आहे. येथे पंतप्रधानांच्या सभेदरम्यान सुरक्षेचा भंग झाला आहे. तीन महिन्यांत दुसऱ्यांदा पंतप्रधानांच्या सुरक्षेत चूक झाली आहे
एका व्यक्तीला पंतप्रधानांच्या दिशेने पळण्याचा प्रयत्न करताना पकडण्यात आले आहे. घटनास्थळी पोलीस बंदोबस्त सज्ज होता. त्या व्यक्तीने पळून जाण्याचा प्रयत्न करताच पोलिसांनी त्याला मध्यभागी पकडले. सुरक्षा यंत्रणांनी त्याला ताब्यात घेतले आहे. 
 
ही संपूर्ण घटना दावणगिरी येथील आहे. येथे पंतप्रधान मोदींचा रोड शो काढण्यात आला. रस्त्याच्या दुतर्फा जमाव जमला होता आणि घोषणाबाजी सुरू होती.  दरम्यान, त्या व्यक्तीने पळून पंतप्रधानांपर्यंत पोहोचण्याचा प्रयत्न केला. हा व्यक्ती पंतप्रधानांच्या गाडीजवळ पोहोचला होता.ही व्यक्ती ताफ्यात घुसण्याचा प्रयत्न करत असल्याचे सांगण्यात आले. पंतप्रधानांच्या इतक्या जवळ जाणे हा गंभीर प्रश्न मानला जात आहे. 
 
पंतप्रधानांच्या रोड शोसाठी तीन ते चार थरांची सुरक्षा ठेवण्यात आली होती. रस्त्याच्या दोन्ही बाजूला बॅरिकेड्स लावण्यात आले होते.  येथे उपस्थित लोकांना बॅरिकेड उडी मारून रस्त्यावर येऊ नका, असे आधीच सांगण्यात आले होते. तुम्हाला फक्त नमस्कार म्हणायचे आहे. असे असतानाही आरोपी तरुणाने बॅरिकेड उडी मारली आणि पीएमच्या दिशेने जाऊ लागला. मात्र, घटनास्थळी उपस्थित पोलीस आणि होमगार्डने त्याला पकडले. एसपीजीने त्याला ताब्यात घेतले. ही एक गंभीर सुरक्षा त्रुटी मानली जाते. याप्रकरणी योग्य ती कारवाई करण्यात येत आहे.
 
Edited By - Priya Dixit