अबू आझमीला उत्तर प्रदेशला पाठवा, औरंगजेब वादावर मुख्यमंत्री योगी यांनी दिली प्रतिक्रिया

सपाचे आमदार सध्या आपल्या औरंगजेबाच्या समर्थनार्थ दिलेल्या विधानावर चांगलेच अडकले आहे. महाराष्ट्राचे उपमुख्यमंत्री एकनाथ शिंदे यांनी त्यांच्या विधानाचा कडाडून विरोध केला. नंतर अबू आझमी यांना महाराष्ट्र विधानसभेतून अर्थसंकल्पीय अधिवेशन पर्यंत विधानसभा अध्यक्षांनी निलंबित केले आहे. 

या वादावर उत्तर प्रदेशातील विधान परिषदेत आपल्या भाषणात उत्तर प्रदेशातील मुख्यमंत्री योगी आदित्यनाथ यांनी आपली प्रतिक्रिया देत एक विधान जारी केले आहे. ते म्हणाले, औरंगजेबाला महान शासक म्हणाऱ्याला येथे राहण्याचा अधिकार नाही. तुमच्यात हिंमत असेल तर त्याची पक्षातून हकालपट्टी करावी.समाजवादी पक्षाने त्या नेत्यांवरील आरोप खोडून टाकावे आणि पक्षातून तातडीने काढावे. नाहीतर त्याला उत्तर प्रदेशात पाठवा. उत्तर प्रदेशात अशा लोकांना चांगली वागणूक मिळते. 

मुख्यमंत्र्यांनी सभागृहात सांगितले की, समाजवादी पक्षाला भारताच्या सांस्कृतिक वारशाचा अभिमान नाही आणि ते त्यांचे मूळ विचारवंत डॉ. राम मनोहर लोहिया यांच्या तत्त्वांपासून दूर गेले आहेत. आज समाजवादी पक्ष औरंगजेबासारख्या क्रूर शासकाला महान आणि आपला आदर्श मानत आहे.

मुख्यमंत्र्यांनी सांगितले की ज्यांचे आचरण औरंगजेबासारखे आहे त्यांना याचा अभिमान वाटू शकतो. त्यांनी सपाला प्रश्न केला की एकीकडे ते महाकुंभसारख्या घटनेची टीका करते आणि दुसरीकडे ते औरंगजेबसारख्या 'क्रूर आणि धर्मांध' शासकाचे गौरव करते. मुख्यमंत्र्यांनी सपाला आव्हान दिले की त्यांनी त्यांचे आमदार (अबू आझमी) यांना पक्षातून काढून टाकावे आणि त्यांना उत्तर प्रदेशला पाठवावे, जिथे त्यांच्यावर 'उपचार' केले जातील. अशा व्यक्तींना भारतात राहण्याचा अधिकार आहे का असा प्रश्न त्यांनी सपाला केला आहे. 

Edited By - Priya Dixit