वैष्णोदेवीजवळ यूपीतील भाविकांनी भरलेल्या बसवर दहशतवादी हल्ला, 9 ठार, 33 जखमी

एनडीए सरकारच्या सलग तिसऱ्या शपथविधी सोहळ्यादरम्यान एक मोठी बातमी समोर येत आहे. जम्मूच्या रियासी जिल्ह्यात दहशतवाद्यांनी प्रवाशांनी भरलेल्या बसवर हल्ला केला आहे. बस खड्ड्यात पडली आहे. आतापर्यंत 9 जणांचा मृत्यू झाल्याची पुष्टी झाली असून 33 जण जखमी असल्याचे सांगण्यात येत आहे. मात्र, उपजिल्हाधिकाऱ्यांनी 10 जणांचा मृत्यू झाल्याची नोंद केली आहे.

दहशतवाद्यांनी बस चालकावर गोळ्या झाडायला सुरुवात केली. त्यामुळे चालकाचा बसवरील ताबा सुटला आणि बस खोल खड्ड्यात पडली. मिळालेल्या माहितीनुसार, ही 55 सीटर बस शिवखोडीहून कटराकडे जात होती. या हल्ल्यात काही लोकांचा मृत्यू झाल्याची भीती व्यक्त करण्यात येत आहे. मात्र, या प्रकरणाला अद्याप अधिकृत दुजोरा मिळालेला नाही.

भाविक हे यूपीचे रहिवासी आहेत

एसएसपी रियासी मोहिता शर्मा यांनी माहिती दिली आहे की बसमध्ये प्रवास करणारे लोक स्थानिक नसून यूपीचे भक्त होते. ते शिवखोडीहून कटरा येथे परतत होते. या दहशतवादी हल्ल्यात एसएसपी रियासी मोहिता शर्मा यांनी सांगितले की, दहशतवाद्यांनी बसवर गोळीबार सुरू केल्याचे प्राथमिक तपासात दिसून आले आहे. त्यामुळे बसचे नियंत्रण सुटून ती खोल दरीत कोसळली. या घटनेत 33 जण जखमी झाले आहेत. बचाव कार्य पूर्ण झाले आहे. मात्र, प्रवाशांची ओळख अद्याप पटलेली नाही. संपूर्ण परिसराची सुरक्षा वाढवण्यात आली आहे.

दहशतवाद्यांची ही संघटना राजौरी, पूंछ आणि रियासी जिल्ह्यात लपून बसून छुप्या पद्धतीने असे गुन्हे करत असल्याची माहिती मिळाली आहे. बचावकार्यासाठी पोलीस, लष्कर आणि निमलष्करी दल घटनास्थळी पोहोचले आहेत. घटनास्थळावरून गोळ्या सापडल्या आहेत, यावरून या घटनेमागे दहशतवाद्यांचा कट असल्याची कल्पना येते. वैष्णोदेवीजवळील शिवखोडी येथील शिवलिंगाचे दर्शन घेऊन प्रवासी कटरा येथे परतत होते.