सोमवार, 26 सप्टेंबर 2022
  1. मराठी बातम्या
  2. महाराष्ट्र न्यूज
  3. महाराष्ट्र माझा
Written By
Last Modified शनिवार, 30 ऑक्टोबर 2021 (12:34 IST)

राष्ट्रवादीपेक्षा काँग्रेस परवडली, ते दरोडेखोर नसतात, चंद्रकांत पाटलांची टीका

भाजपचे प्रदेशाध्यक्ष चंद्रकांत पाटील यांनी राष्ट्रवादी काँग्रेसवर टीका करताना त्यांच्यापेक्षा काँग्रेस परवडली असं म्हटलं आहे. काँग्रेसमधले सुसंस्कृत असतात, ते दरोडेखोर नसतात अस म्हणत चंद्रकांत पाटलांनी राष्ट्रवादीवर आरोप केले.

जयंत पाटील सांगतील भाजपशी जवळीक करण्याचा प्रयत्न करत असल्याचं त्यांना विचारण्यात आलं होतं. त्यावर राष्ट्रवादी हा सर्वाधिक बेभरवशाचा पक्ष आहे. ते सकाळ, दुपार, संध्याकाळ राजकारण करत असतात, असंही पाटील म्हणाले.
 
एसटी कर्मचाऱ्यांचे महागाई भत्ता, पगारवाढ यासाठी सध्या आंदोलन सुरू आहे. या आंदोलक शेतकऱ्यांची पाटील यांनी सोलापुरात भेट घेतली. सरकारनं या कर्मचाऱ्याच्या तोंडाला पानं पुसली अशी टीका करत, त्यांनी राष्ट्रवादीवर हल्लाबोल केला. लोकमतनं याबाबतचं वृत्तं दिलं आहे.
 
दरम्यान, एसटी कर्मचाऱ्यांचा संप अजूनही सुरुच आहे. अहमदनगरमध्ये एका एसटी कर्मचाऱ्याच्या हत्येनंतर एसटी कर्मचारी अधिक संतप्त झाले आहेत. एसटीचं सरकारमध्ये विलिनीकरण करण्याची मागणी पूर्ण होईपर्यंत आंदोलन सुरू राहणार असल्याचं कर्मचाऱ्यांनी म्हटलं आहे.