मनसेने पुन्हा एकदा शिवसेनेला डिवचले, सांगितले वारसा मैदानाचा नसतो विचाराचा असतो
मनसेचे सरचिटणीस संदीप देशपांडे यांनी ट्विट करत शिवसेना आणि उद्धव ठाकरे यांच्यावर निशाणा साधला आहे. वारसा मैदानाचा नसतो विचाराचा असतो. असा ट्विट करत त्यांनी एकप्रकारे उद्धव ठाकरेंना लक्ष्य केले आहे. यापूर्वीही राज ठाकरेंनी वारसा विचारांचा असतो असं म्हणत उद्धव ठाकरेंना डिवचण्याचा प्रयत्न केला होता. आता दसरा मेळाव्यावरून मनसेने पुन्हा एकदा शिवसेनेला डिवचले आहे.
शिवसेना पक्षप्रमुख उद्धव ठाकरे यांनी कार्यकर्त्यांनी वाजत गाजत यावे परंतु दसरा मेळाव्याला गालबोट लागले असे वागू नये असे आवाहन केले. हायकोर्टाच्या निर्णयानंतर उद्धव ठाकरेंनी आपली ही भूमिका मांडली होती. मात्र हायकोर्टाच्या निर्णयानंतरही दोन्ही गटांकडून आरोप प्रत्यारोप सुरु आहेत.
