संबंधित माहिती
- Karnataka:व्हिडीओ बनवताना धबधब्यात पडून तरुणाचा मृत्यू
- Ayodhya : लग्न समारंभात नाचताना तरुणाचा हृदय विकाराच्या झटक्यानं मृत्यू
- Kolhapur: पोलिसांच्या भीतीने तरुणाची इमारतीच्या तिसऱ्या मजल्यावरून उडी, तरुणाचा दुर्देवी मृत्यू
- तेलंगणा : बॅडमिंटन खेळताना तरुणाचा हार्ट अटॅकने मृत्यू
- Tamil Nadu : उकळत्या रसम मध्ये पडून तरुणाचा दुर्देवी मृत्यू
नाशिक : पोलिस भरतीसाठी पळण्याचा सराव करताना तरुणाचा मृत्यू
नाशिकच्या सिन्नर तालुक्यातील मुसळगाव येथे पोलिस भरतीसाठी पळण्याचा सराव करीत असतानाच एका तरुणाचा हृदयविकाराच्या झटक्याने मृत्यू झाला. ही हृदयद्रावक घटना शुक्रवारी घडली. भारत पोपट जाधव (वय २८) असे मृत तरुणाचे नाव आहे. या घटनेमुळे मुसळगाव येथील नागरिकांवर व जाधव कुटुंबियांवर दुःखाचा डोंगर कोसळला आहे.
भारत पोलिस भरतीसाठी रोज सराव करत असे. पोलिस होण्याचे त्याचे स्वप्न होते. नेहमीप्रमाणे भारत हा मित्रांसोबत धावण्याचा सराव करत होता. यावेळी अचानक तो खाली कोसळला. त्यास मित्रांनी तत्काळ सिन्नर येथे खासगी रुग्णालयात दाखल केले. खासगी रुग्णालयातून त्याला शासकीय रुग्णालयात हलवण्यात आले. येथे वैद्यकीय अधिकाऱ्यांनी तपासून त्याला मृत घोषित केले.
Edited By - Ratnadeep Ranshoor
