समता परिषदेसह ओबीसी संघटनांच्या वतीने नाशिकच्या द्वारका चौकात रास्ता रोको ; शेकडो कार्यकर्त्यांना अटक

nasik
Last Modified गुरूवार, 17 जून 2021 (19:30 IST)
स्थानिक स्वराज्य संस्थेतील आरक्षण न्यायालयाने रद्द केल्यामुळे ओबीसी समाजाचे राजकीय आरक्षण रद्द झाले आहे. हे आरक्षण वाचविण्यासाठी तसेच ओबीसी जनगणनेसह विविध न्याय मुद्यांवर केंद्र सरकारच्या विरोधात अखिल भारतीय महात्मा फुले समता परिषद व सर्व ओबीसी संघटनांच्या वतीने नाशिकच्या द्वारका चौकात आज तीव्र निदर्शने करत रास्ता रोको आंदोलन करण्यात आले. यावेळी जिल्हाध्यक्ष दिलीप खैरे, विभागीय अध्यक्ष बाळासाहेब कर्डक, शहराध्यक्ष संतोष सोनपसारे व कार्याध्यक्ष समाधान जेजुरकर यांच्यासह शेकडो कार्यकर्त्यांना पोलिसांकडून अटक करण्यात आली. त्यानंतर काही काळाने त्यांची सुटका देखील करण्यात आली.
ओबीसी समाजाचे राजकीय आरक्षण कोर्टाने रद्द केल्याने समता परिषदेसह सर्व ओबीसी संघटनांच्या वतीने आज राज्यभर ओबीसी आरक्षण बचाव आक्रोश आंदोलन करत राज्यात विविध ठिकाणी रास्ता रोको करण्यात आले. आज नाशिक शहरातील द्वारका चौकात जिल्हाध्यक्ष दिलीप खैरे यांच्या अध्यक्षतेखाली समता परिषदेसह विविध ओबीसी संघटनांच्या प्रतिनिधींनी तीव्र निदर्शने करत रास्ता रोको केला. यावेळी ओबीसींना पुन्हा राजकीय आरक्षण देण्यात यावे, त्यांची जनगणना करण्यात यावी यासह विविध न्याय मागण्या आंदोलकांच्या वतीने करण्यात आल्या.

यावेळी दिलीप खैरे म्हणाले की, ओबीसी समाजाचे नेते राज्याचे अन्न, नागरी पुरवठा व ग्राहक संरक्षण मंत्री तथा नाशिक जिल्ह्याचे पालकमंत्री छगन भुजबळ, माजी खासदार समीर भुजबळ हे ओबीसी आरक्षणाबाबत न्यायालयीन लढाई लढत आहे. या पार्श्वभूमीवर आज राज्यभरात सामाजिक पातळीवर सर्व ओबीसी संघटना रस्त्यावर उतरून ओबीसी समाजाच्या भावना शासनापर्यंत पोहोचवीत आहोत. आरक्षणाचा प्रश्न पूर्णपणे केंद्र सरकारच्या हातात असून शासनाने या प्रश्नाकडे लक्ष घालून ओबीसी समाजाला न्याय द्यावा. ओबीसींच्या मागण्याबाबत सुरु केलेली ही आमची रस्त्यावरची लढाई ओबीसींच्या सर्व संघटनांना सोबत घेऊन मागण्या पूर्ण होईपर्यंत सुरु राहील असे खैरे यांनी यावेळी सांगितले.
यावेळी अखिल भारतीय महात्मा फुले समता परिषदेचे जिल्हाध्यक्ष दिलीप खैरे, विभागीय अध्यक्ष बाळासाहेब कर्डक, शहराध्यक्ष संतोष सोनपसारे, कार्याध्यक्ष समाधान जेजुरकर, नगरसेवक संतोष गायकवाड, समीना मेमन, माजी नगरसेवक लक्ष्मण जायभावे, तानाजी जायभावे, कविता कर्डक, रंजना पवार, सदाशिव माळी, समाधान जाधव, योगेश कमोद, अमर वझरे, ओबीसी संघटनांचे पदाधिकारी अंबादास खैरे, श्रीराम मंडळ, अनिता भामरे, योगेश निसाळ, आशा भंदुरे, संजय खैरनार, महेश भामरे, विजय राऊत, संतोष कमोद, दिलीप तुपे, राजेंद्र आहिरे, धनंजय कमोदकर, अजय देव्हारे, मुख्तार शेख, लकी पटेल, सुधाकर गायकवाड, राजेंद्र सोननिस, ज्ञानेश्वर बोराडे, विलास बोराडे, शाम जगताप, अशोक सोनवणे, बाळासाहेब जगताप, सुधाकर टीबे, बाळासाहेब जोर्वेकर, अरविंद क्षीरसागर, नंदन भास्करे, किशोर बेलसरे, शंकर मोकळ, भालचंद्र भुजबळ, नाना पवार, उदय सराफ, गजानन घोडके, उत्तम तांबे, धनंजय निकाळे, गणेश आवनकर, बापू महाजन, ज्ञानेश्वर महाजन, रंजना गांगुर्डे, संदीप शिंदे, संदीप गांगुर्डे, सागर बेदरकर, गणेश खोडे, संतोष जगताप, विलास वाघ, आशिष हिरवे, सुशांत शिरसाठ, रवी हिरवे, हर्षल खैरणार, सचिन बोरसे, जयवंत जेजुरकर, रोहित चांडोले, दिनेश कमोद, ओमकार उदावंत, प्रथमेश पवार, राहुल जगताप, जिभाऊ आहिरे, डॉ. देवेंद्र खैरणार, रवींद्र शिंदे, शिवराज नाईक, अमित वझरे, सुमित वझरे, मयूर वझरे, राहुल घोडे, भरत जाधव, नाना साबळे, सचिन कलासरे, जितु जाधव, हरिभाऊ महाजन, जुनेद शेख यांच्यासह ओबीसी संघटनाचे पदाधिकारी उपस्थित होते. यावेळी धर्मराज काथवटे यांनी महात्मा फुलेंचा पेहराव करत सर्वांचे लक्ष वेधले.
ओबीसी आरक्षण बचावासाठी आंदोलकांकडून विविध घोषणा
यावेळी आंदोलकांनी ओबीसींचे राजकीय आरक्षण वाचलेच पाहिजे, उठ ओबीसी जागा हो, आरक्षणाचा धागा हो, ओबीसी आरक्षण आमच्या हक्काचे, जय ज्योती जय क्रांती, ओबीसीचे राजकीय आरक्षण, हा आमचा हक्क आहे. हक्काचे आरक्षण आमची
चळवळ, न्याय नाही हक्क आहे, आरक्षण ओबीसींच पक्के आह, ओबसी आरक्षणाचा हक्काचा वाटा, केंद्र सरकार लवकर द्या इंपेरिकल डाटा, नही चलेगी नही चलेगी दादागिरी, नही चलेगी, ओबीसींच्या आरक्षणाला जाऊ देऊ नका तढा, ओबीसी आक्रोश आता देशव्यापी लढा यासह विविध घोषणा यावेळी आंदोलकांच्या वतीने यावेळी देण्यात आल्या.


यावर अधिक वाचा :

राजस्थान सरकारने मेजर ध्यानचंद खेलरत्न पुरस्कारासाठी अवनी ...

राजस्थान सरकारने मेजर ध्यानचंद खेलरत्न पुरस्कारासाठी अवनी लेखरा आणि कृष्णा नगर यांच्या नावाची शिफारस केली
टोकियो पॅरालिम्पिकमध्ये सुवर्णपदक जिंकून देशाचा मान उंचावणाऱ्या अवनी लेखरा आणि कृष्णा ...

New Income Tax Portal: आयटी पोर्टलमध्ये होत आहे सुधार, ...

New Income Tax Portal: आयटी पोर्टलमध्ये होत आहे सुधार, Infosysने 90% त्रुटी दूर केल्या आहेत
देशातील आघाडीची सॉफ्टवेअर सेवा कंपनी इन्फोसिसने आयकर ई-फायलिंग पोर्टलमधील बहुतांश त्रुटी ...

खाजगी शाळांना 2021-22 च्या सत्रात गरीब मुलांना प्रवेश ...

खाजगी शाळांना 2021-22 च्या सत्रात गरीब मुलांना प्रवेश द्यावा लागेल, उच्च न्यायालयाचे आदेश
2021-22 या शैक्षणिक सत्रासाठी खाजगी शाळा चालकांना नियम 134A अंतर्गत गरीब मुलांना ...

धक्कादायक ! डोंबिवलीत आठ महिन्याच्या मुलीला वडिलांनी दारू ...

धक्कादायक ! डोंबिवलीत आठ महिन्याच्या मुलीला वडिलांनी दारू पाजली ,आणि 9 वर्षाच्या मुलीवर बलात्कार केला
दारू चे व्यसन खूपच वाईट असते. दारुच्या नशेत माणूस हैवान बनतो, तो काय करत आहे त्याला ...

वृद्ध महिलेची मुख्यमंत्र्यांकडे आत्महत्या करण्यासाठी ...

वृद्ध महिलेची मुख्यमंत्र्यांकडे आत्महत्या करण्यासाठी परवानगी देण्याची मागणी
पालघर जिल्ह्यातील विक्रमगड तालुक्यात इंदगावच्या 65 वर्षीय अजनी चाबके या वृद्ध महिले ने ...

शरद पवार म्हणाले, काँग्रेसला बाजूला करुन कोणताही पर्याय ...

शरद पवार म्हणाले, काँग्रेसला बाजूला करुन कोणताही पर्याय देणार नाही
राष्ट्रवादी काँग्रेसचे अध्यक्ष शरद पवार यांची पश्चिम बंगालच्या मुख्यमंत्री आणि तृणमूल ...

'जोखीम' देशांतील 6 प्रवासी कोरोना पॉझिटिव्ह, ओमिक्रॉन ...

'जोखीम' देशांतील 6 प्रवासी कोरोना पॉझिटिव्ह, ओमिक्रॉन शोधण्यासाठी जीनोम सिक्वेन्सिंगसाठी नमुने पाठवले
1 डिसेंबरपासून, कोरोनाचे नवीन स्वरूप ओमिक्रॉनची चाचणी घेण्यासाठी विमानतळांवर धोकादायक ...

काय सांगता ,कोरोना लसीचा दुसरा डोस घेतल्यानंतर 60 हजार ...

काय सांगता ,कोरोना लसीचा दुसरा डोस घेतल्यानंतर 60 हजार रुपयांचा स्मार्टफोन मिळणार मोफत, जाणून घ्या काय आहे योजना
अहमदाबाद. अहमदाबाद महानगरपालिकेने लोकांना COVID-19 विरुद्ध संपूर्ण लसीकरणासाठी ...

भाजप नेते संमेलनात सहभागी होणार असल्याची माहिती भुजबळांनी ...

भाजप नेते संमेलनात सहभागी होणार असल्याची माहिती भुजबळांनी दिली
नाशिकमध्ये होत असलेल्या ९४ व्या अखिल भारतीय मराठी साहित्य संमेलनाच्या पत्रिकेत नावावरून ...

सहायक कक्ष अधिकारी अर्हताप्राप्त ठरलेल्या उमेदवारांच्या ...

सहायक कक्ष अधिकारी अर्हताप्राप्त ठरलेल्या उमेदवारांच्या बैठक क्रमांकासह नावाची यादी व गुणांची सीमारेषा आयोगाच्या संकेतस्थळावर
महाराष्ट्र लोकसेवा आयोगातर्फे दिनांक ४ सप्टेंबर, २०२१ रोजी महाराष्ट्र दुय्यम सेवा, ...