मनाच्या लेखणीतून.... जागतिक मैत्री दिवस

©ऋचा दीपक कर्पे| Last Updated: शनिवार, 1 ऑगस्ट 2020 (19:57 IST)
मैत्री! दोन अक्षरांचा हा शब्द आणि त्यासाठी दोनच अटी.. No expectations... No complaints.... म्हणजे कुठलीही अपेक्षा न ठेवणारे आणि कुठलीही तक्रार न करणारे, निखळ आनंद देणारे हे नाते!

प्रत्येकाच्या आयुष्यात असे मित्र मैत्रिणी असतातच.. तर असाच एक मित्र म्हणा, मैत्रीण म्हणा आपल्या सर्वांच्याच आयुष्यात common आहे! कोण बरं?? तर ते म्हणजे पुस्तक!

हो पुस्तक. लहानपणापासून तर म्हातारं होईपर्यंत बडबड गीतांपासून तर भगवद् गीतेपर्यंत साथ देणारी ही जिवाभावाची मैत्रीण! आपल्या एकटेपणात आपला साथ देणारी.

एकविसाव्या शतकात आता आपली ही मैत्रिण पण काळानुसार बदलली आहे, अपडेट झाली आहे. आता हिने ई-पुस्तकाचे स्वरूप घेतले आहे.
सध्याच्या कोरोनाकाळात ही मैत्री म्हणजे एक वरदानच! एका बोटाच्या इशाऱ्यावर ई पुस्तकांचे विश्व आपल्यासमोर खुले होते आणि आपण आपल्या संपूर्ण काळज्या, एकटेपण सारे सारे विसरून ह्या विश्वात भटकंती करून येऊ शकतो!

आपण ही ई-पुस्तके आपल्या मित्रा नातेवाईकांना भेट पण करू शकतो! ही भेट किती वेगळी, आनंद देणारी आणि सुरक्षित आहे! नाही का??

ई-पुस्तके आपल्या आणखी एका जिवाभावाच्या मित्रालाही जपतात बरं का? त्यांचे अस्तित्व सुरक्षित ठेवण्यासाठी झटतात..आता तो मित्र कोण?? तो मित्र म्हणजे वृक्ष. ई-पुस्तकांमुळे किती टन कागदाची बचत होते आणि वृक्षांचं आयुष्य वाढतं.
आज हजारो ई-पुस्तकं ऑनलाईन उपलब्ध आहेत. प्रकाशन सोपे आहे. एका साहित्यिकाची कृती फारंच कमी वेळात लाखो लोकांपर्यंत पोहोचते... अगदी सात समुद्रा पलीकडे पण..!

प्रत्येक साहित्यिकासाठी त्याची एकेक कृती जणू त्याच्या काळजाचा तुकडाच! रात्र रात्र जागून, एकेक शब्द विचारपूर्वक निवडून, शंभर वेळा संपादन करून...एक मनासारखी रचना तयार होते अन् मग तो ती रचना वाचकांसमोर ठेवतो. त्याची अपेक्षा काय? मनापासून मिळालेले कौतुकाचे फक्त दोन शब्द!
पण एवढी मेहनत करून, परमार्थ आणि प्रपंच साधून, त्याच्या अतिव्यस्त दिनचर्येतून कसाबसा वेळ काढून जर तो साहित्य सेवा करत असला तर त्याला "फूल नाही फुलाची पाकळी" म्हणून थोडे प्रोत्साहन देणे आपले पण कर्तव्य आहेच नं?

हीच ती वेळ, साहित्यिकांना प्रोत्साहन देण्याची.. त्यांच्या कृतीला वाव देण्याची आणि आपला साहित्यिक वारसा पुढे नेण्याची. आणि त्यासाठी खूप काही करायची गरज नाही.. कारण ई-पुस्तकांची किंमत फार जास्त नसते. एक सामान्य व्यक्ती ती पुस्तके सहज विकत घेऊ शकतो.

जुन्याकाळी साहित्यिकांना राजाश्रय मिळायचे, त्यांच्या कलेची भरभरून स्तुतीतर व्हायचीच पण त्यांना प्रोत्साहन म्हणून आर्थिक मदतही व्हायची. पण आता गेली ती राजेशाही! आता लोकतंत्रात प्रजा हीच राजा!
तर चला, आपल्या मनाची श्रीमंती जपून मीच माझ्या मनाचा राजा असे म्हणत, आपल्या साहित्यिक मित्रांना प्रोत्साहन देण्यासाठी ह्या मित्रदिना निमित्त एक पाऊल पुढे ठेवू या...! महिन्यातून किमान एक ई-पुस्तक वाचू या!

पुन्हा एकदा जागतिक मित्रदिनाच्या शुभेच्छा!


यावर अधिक वाचा :

ज्ञानवापी सर्वेक्षणावर बंदी घालण्यास सर्वोच्च न्यायालयाचा ...

ज्ञानवापी सर्वेक्षणावर बंदी घालण्यास सर्वोच्च न्यायालयाचा नकार, शिवलिंगाची जागा सील करून नमाज अदा सुरू ठेवण्याचे आदेश
ज्ञानवापी मशिदीच्या सर्वेक्षणाला स्थगिती देण्यास सर्वोच्च न्यायालयाने नकार दिला या ...

विवाहितेवर दिवसाढवळ्या बलात्कार; दोघा भावांना अटक

विवाहितेवर दिवसाढवळ्या बलात्कार; दोघा भावांना अटक
मुंबई: अनोळखी क्रमांकावरून मिस कॉल आला. मिस कॉलवरून संवाद रंगला. पुढे फेसबुकवरून मैत्री ...

कर्नाटकातील शालेय पुस्तकातून भगतसिंग यांच्याशी संबंधित ...

कर्नाटकातील शालेय पुस्तकातून भगतसिंग यांच्याशी संबंधित मजकूर काढून टाकणे म्हणजे शहीदांचा अपमान : केजरीवाल
दिल्लीचे मुख्यमंत्री अरविंद केजरीवाल यांनी मंगळवारी शालेय पुस्तकातून भगतसिंग यांच्यावरील ...

माडसांगवीत पतीने केला पत्नीचा निघृण खून

माडसांगवीत पतीने केला पत्नीचा निघृण खून
नाशिक nashik शहरालगत असलेल्या माडसांगवी गावात भीषण प्रकार घडला आहे. संतापलेल्या पतीने ...

शरद पवारांकडूनच राज्यातील महाविकास आघाडी सरकार अस्थिर ...

शरद पवारांकडूनच राज्यातील महाविकास आघाडी सरकार अस्थिर करण्याचा डाव? भाजपचा गंभीर आरोप
महाराष्ट्रात सध्या शरद पवार यांच्या मूक संमतीने सरकार पुरस्कृत दहशतवाद माजला असून ...

98 किलो वजनाचा हा माणूस वजन कमी करून फिटनेस कोच बनला, जाणून ...

98 किलो वजनाचा हा माणूस वजन कमी करून फिटनेस कोच बनला, जाणून घ्या
आजच्या जीवनशैलीत आणि स्पर्धेच्या युगात लोक तणावाखाली राहणे अगदी सामान्य झाले आहे. त्याच ...

एकांतात अश्रु वाटे, मग ती वाहते!

एकांतात अश्रु वाटे, मग ती वाहते!
काहीतरी तुज सांगावं, म्हणून कागदावर लिहिलं, तू फक्त शब्दच वाचले, बाकी न तुज ...

Career Tips : बी फार्मसी मध्ये करिअर बनवा, पात्रता ...

Career Tips : बी फार्मसी मध्ये करिअर बनवा, पात्रता ,अभ्यासक्रम जाणून घ्या
गेल्या काही वर्षांपासून मेडिकल फार्मसी क्षेत्राकडे विद्यार्थ्यांचा कल वाढला आहे. फार्मसी ...

Maharashtra Police Bharti 2022 :महाराष्ट्र पोलीस मध्ये ...

Maharashtra Police Bharti 2022 :महाराष्ट्र पोलीस मध्ये सशस्त्र पोलीस दलात कॉन्स्टेबलची भरती
महाराष्ट्र पोलीस मध्ये सरकारी नोकऱ्या आहेत. महाराष्ट्र राज्य राखीव पोलीस दल (SRPF) मध्ये ...

Marriage Wishes In Marathi नवीन लग्नाच्या शुभेच्छा मराठी ...

Marriage Wishes In Marathi नवीन लग्नाच्या शुभेच्छा मराठी संदेश
तुमच्या प्रेमाला अजून पालवी फुटो तुम्हाला भरभरून यश मिळो लग्नाच्या मनापासून हार्दिक ...