Egypt Bus Accident: उत्तर इजिप्तमध्ये बस कालव्यात पडली, 22 ठार 7 जखमी
इजिप्तच्या उत्तर डकालिया प्रांतात शनिवारी एक मिनीबस कालव्यात कोसळली. या दरम्यान किमान 22 जणांचा मृत्यू झाला असून सात जण जखमी झाले आहेत. इजिप्तच्या आरोग्य मंत्रालयाने सांगितले की, मिनीबस आघा शहरातील अल रयाह अल तौफीकी कालव्यात कोसळली.
एकूण 18 रुग्णवाहिका घटनास्थळी पाठवण्यात आल्याचे मंत्रालयाने सांगितले. जखमींना प्रांतातील दोन रुग्णालयात दाखल करण्यात आले. सोशल मीडियावर फिरणाऱ्या व्हिडिओंमध्ये रहिवासी पोलिसांना पाण्यातून मृतदेह बाहेर काढण्यासाठी मदत करताना दिसत आहेत. बसमध्ये विद्यार्थ्यांच्या गटासह 46 प्रवासी होते, असे अहवालात म्हटले आहे. मृतांमध्ये सहा महिला आणि तीन लहान मुलांचा समावेश आहे.
आपली रोजीरोटी गमावलेल्या कुटुंबांना 100,000 इजिप्शियन पौंड नुकसान भरपाई म्हणून दिले जातील. इतर पीडितांच्या कुटुंबियांना £25,000 ची भरपाई दिली जाईल. यासोबतच जखमींना 5 हजार पौंड मिळणार आहेत. पीडितांना रोख मदत, नोकरी मदत आणि इतर मदत दिली जाईल.
Edited By - Priya Dixit
