शाहबाज शरीफ यांनी दुसऱ्यांदा देशाची सूत्रे हाती घेतली

पीएमएल-एनचे अध्यक्ष शेहबाज शरीफ यांनी सोमवारी पाकिस्तानच्या पंतप्रधानपदाची शपथ घेतली. 2022 नंतर त्यांनी दुसऱ्यांदा देशाची सूत्रे हाती घेतली आहेत. ऐवान-ए-सदर (राष्ट्रपती भवन) येथे आयोजित समारंभात राष्ट्रपती आरिफ अल्वी यांनी त्यांना पदाची शपथ दिली.

या समारंभाला तिन्ही दलांचे प्रमुख, वरिष्ठ अधिकारी, मुत्सद्दी, आघाडीचे उद्योगपती, नागरी समाजाचे सदस्य आणि माध्यम संस्था उपस्थित होत्या. यावेळी काळजीवाहू पंतप्रधान अन्वर उल हक काकरही उपस्थित होते. पवित्र कुराण पठणाने सोहळ्याची सुरुवात झाली. त्यानंतर शाहबाज शरीफ यांनी शपथ घेतली.

माजी पंतप्रधान नवाझ शरीफ, पंजाबच्या मुख्यमंत्री मरियम नवाझ आणि पाकिस्तान मुस्लिम लीग-नवाज (PML-N) चे इतर कार्यकर्ते उपस्थित होते. शहबाज शरीफ यापूर्वी एप्रिल 2022 ते ऑगस्ट 2023 पर्यंत पाकिस्तान डेमोक्रॅटिक मूव्हमेंट (PDM) आघाडी सरकारमध्ये पंतप्रधान होते.

Edited By- Priya Dixit