IND vs ENG 2nd T20I: रोहित शर्मा ऋषभ पंतसह सलामीला मैदानात, इंग्लंडमध्ये दोन बदल आणि टीम इंडियामध्ये चार बदल

IND vs ENG 2022 : भारत आणि इंग्लंड यांच्यातील तीन सामन्यांच्या टी-20 मालिकेतील दुसरा सामना आज एजबॅस्टन येथे खेळवला जात आहे. या सामन्यात विराट कोहली, ऋषभ पंत, रवींद्र जडेजा आणि जसप्रीत बुमराह यांचे टी-20 संघात पुनरागमन झाले आहे. आता कर्णधार रोहित शर्मा प्लेइंग-11 मध्ये काय बदल करतो हे पाहणे महत्त्वाचे ठरणार आहे. भारतीय संघ सध्या मालिकेत 1-0 ने आघाडीवर आहे. भारतीय संघ प्रथम फलंदाजी करणार आहे. इशान किशन खेळत नसल्याने रोहित आणि पंत सलामी देतील. त्याचबरोबर कोहलीकडून चांगल्या कामगिरीची अपेक्षा असेल. इंग्लंडचा कर्णधार जोस बटलरने नाणेफेक जिंकून भारताविरुद्ध गोलंदाजी करण्याचा निर्णय घेतला. इंग्लंडच्या कर्णधाराने संघात दोन बदल केले आहेत. डेव्हिड विली आणि रिचर्ड ग्लेसन यांना रीस टोपली आणि टायमल मिल्सच्या जागी प्लेइंग 11 मध्ये स्थान देण्यात आले आहे. त्याचबरोबर भारतीय कर्णधार रोहित शर्माने प्लेइंग-11 मध्ये चार बदल केले आहेत. इशान किशन, दीपक हुडा, अक्षर पटेल आणि अर्शदीप सिंग यांना संघातून वगळण्यात आले आहे. त्याचबरोबर विराट कोहली, ऋषभ पंत, जसप्रीत बुमराह आणि रवींद्र जडेजा संघात परतले आहेत.

IND vs ENG : दोन्ही संघ खालीलप्रमाणे आहेत

भारत: रोहित शर्मा (कर्णधार), विराट कोहली, सूर्यकुमार यादव, ऋषभ पंत (विकेटकीपर), हार्दिक पंड्या, दिनेश कार्तिक, रवींद्र जडेजा, हर्षल पटेल, भुवनेश्वर कुमार, जसप्रीत बुमराह, युझवेंद्र चहल.

इंग्लंड: जेसन रॉय, जोस बटलर (विकेट कीपर/ कर्णधार), डेव्हिड मलान, लियाम लिव्हिंगस्टोन, हॅरी ब्रुक, मोईन अली, सॅम करन, डेव्हिड विली, ख्रिस जॉर्डन, रिचर्ड ग्लेसन, मॅथ्यू पार्किन्सन.