Weight Loss Recipe वजन कमी करायचे आहे? नाश्त्याला बनवा कमी तेलातले बाजरीचे अप्पे
साहित्य:
१ कप बाजरीचे पीठ
अर्धा कप रवा (कुरकुरीतपणासाठी)
अर्धा कप दही
बारीक चिरलेला कांदा, टोमॅटो आणि सिमला मिरची
हिरवी मिरची आणि आल्याची पेस्ट
बारीक चिरलेली कोथिंबीर
चवीनुसार मीठ
चिमूटभर खाण्याचा सोडा (ऐच्छिक)
फोडणीसाठी तेल, मोहरी आणि कढीपत्ता
कृती:
एका बाऊलमध्ये बाजरीचे पीठ, रवा आणि दही एकत्र करून घ्या. त्यात थोडे पाणी घालून इडलीच्या पिठासारखे मध्यम बॅटर तयार करा.
आता त्यात चिरलेला कांदा, टोमॅटो, मिरची-आल्याची पेस्ट आणि कोथिंबीर घालून नीट मिसळा. हे मिश्रण १५-२० मिनिटे झाकून ठेवा.
एका छोट्या कढईत तेल गरम करून मोहरी आणि कढीपत्त्याची फोडणी तयार करा आणि ती मिश्रणात ओता. यामुळे अप्प्यांना छान खमंग चव येते.
अप्पे पात्र गरम करून त्यात थोडे तेल सोडा. चमच्याने मिश्रण प्रत्येक साच्यात भरा.
मंद आचेवर ३-४ मिनिटे झाकण ठेवून वाफवा. त्यानंतर अप्पे उलटून दुसऱ्या बाजूनेही सोनेरी रंगावर भाजून घ्या.
