मुंबईत कराची बेकरीची शॉप बंद, मनसेने दिला होता इशारा

नितीन नांदगावकर यांनी मनसेमध्ये असताना कराची बेकरी या नावाला विरोध केला होता तेव्हा मनसेचे हाजी सैफ शेख यांनीही वांद्रे येथील कराची बेकरीसमोर गोंधळ घालत दुकानमालकाकडे दुकानाचं नाव बदलण्याची मागणी केली होती. दरम्यान, हाजी सैफ शेख यांनी कराची बेकरीनं मुंबईतील दुकानं बंद केल्याची माहिती दिली. 

“नाव बदलण्यासाठी कराची बेकरीसमोर तीव्र आंदोलन करण्यात आलं. त्यानंतर अखेर मुंबईतील कराची बेकरी हे दुकानं बंद करण्यात आलं आहे.” असं शेख यांनी म्हटलं आहे. शेख यांनी ही पोस्ट मनसेचे अध्यक्ष राज ठाकरे आणि पक्षाच्या अधिकृत ट्विटर हॅण्डललाही टॅग केली आहे.