मुंबई लोकल ट्रेनमध्ये आता प्रवाशांना चित्रपट आणि टीव्ही शो पाहता येणार

मुंबई लोकल ट्रेनमधून प्रवास करताना लोकांना आता चित्रपट आणि टीव्ही शो पाहता येणार आहेत. भारतीय रेल्वेच्या अधिकाऱ्याने सांगितले की, मध्य रेल्वे आणि शुगरबॉक्स नेटवर्कने लोकल ट्रेनमध्ये 'कंटेंट ऑन डिमांड' सेवा सुरू केली आहे. यामुळे प्रवासी प्रवासात विनामूल्य चित्रपट, टीव्ही शो आणि बातम्या पाहण्याचा आनंद घेऊ शकतात. मुंबई लोकल ट्रेनमधून दररोज लाखो लोक प्रवास करतात.

मध्य रेल्वेचे महाव्यवस्थापक अनिल कुमार लाहोटी म्हणाले की, मध्य रेल्वे हा मुंबईतील सार्वजनिक वाहतुकीचा कणा आहे. ते म्हणाले, "आम्ही कोरोनापूर्वी आमच्या उपनगरीय नेटवर्कमध्ये दररोज 45 लाख प्रवासी पाहत होतो. अनेकदा लोक प्रवास करताना त्यांच्या उपकरणांसह वेळ घालवतात. आम्ही आमच्या सेवांमध्ये तंत्रज्ञान जोडून त्यांना सक्षम करू शकतो." ते म्हणाले. सतत वाढत राहण्याचे आणि ग्राहक-केंद्रित राहण्याचे आमचे ध्येय आणखी बळकट करू.

 शुगर बॉक्स नेटवर्कचे सीईओ म्हणतात, मुंबईकर त्यांच्या वेळेचा मोठा भाग प्रवासात घालवतात. प्रवास दरम्यान डिजीटल कनेक्टिव्हिटीचा विनाअडथळा प्रवेश असेल याची खात्री करण्याची गरज आहे. या भागीदारीद्वारे मुंबईला इन-ट्रान्झिट कनेक्टिव्हिटीचे उत्तम उदाहरण बनवण्याचे आणि डिजिटली सुसज्ज ट्रॅव्हल लाइन बनवण्याचे आमचे ध्येय आहे,असेही ते म्हणाले.

 ही सेवा पूर्णपणे मोफत आहे, यासाठी प्रवाशांना कोणतेही अतिरिक्त शुल्क द्यावे लागणार नाही. मनोरंजन कार्यक्रम पाहण्याव्यतिरिक्त, प्रवासी इंटरनेट डेटा खर्च न करता खरेदी देखील करू शकतात. मोफत सेवेचा आनंद घेण्यासाठी प्रवाशांनी 'शुगरबॉक्स अॅप' डाउनलोड करणे आवश्यक आहे. अधिकाऱ्यांनी सांगितले की, मध्य रेल्वे आणि शुगरबॉक्स नेटवर्कच्या मदतीने मध्य रेल्वेच्या फक्त 10 लोकल ट्रेनमध्ये ही सेवा सुरू झाली असली तरी येत्या काही महिन्यांत ही सेवा सर्व गाड्यांमध्ये सुरू केली जाईल. शुगरबॉक्स काहीही शुल्क आकारणार नाही, ते विनामूल्य आहे. प्रवाशांना नेटवर्कचा त्रास होणार नाही.