येत्या ७ ते १० जूनपर्यंत मोसमी पाऊस येणार

मोसमी पाऊस पुढील ४८ तासांमध्ये केरळचा काही भाग, दक्षिण अरबी समुद्र, मालदीव, कोमोरिन, तामिळनाडूचा काही भाग व्यापणार आहे. त्यानंतर त्याचा देशातील प्रवास सुरू होईल. हवामान विभागाने दिलेल्या माहितीनुसार सोमवारी बंगालच्या उपसागरात कमी दाबाचे क्षेत्र तयार होणार आहे. केरळ किनाऱ्यालगत अरबी समुद्रात २.१ किलोमीटर उंचीवर चक्राकार वारे वाहात आहेत. त्यामुळे लक्षद्वीप बेटे, केरळ, कर्नाटक किनाऱ्यावर दाट ढगांचे आच्छादन तयार झाले असून, या भागात मुसळधार पाऊस पडण्याची शक्यता आहे.