शिवसैनिक वर्षां निवासस्थानी धडकणार

नगर जिल्ह्य़ातील शिवसेनेच्या पदाधिकाऱ्यांनी रविवारी उद्धव ठाकरे यांची त्यांच्या मातोश्री या निवासस्थानी भेट घेतली. केडगाव खून प्रकरणानंतर निर्माण झालेल्या तेथील सर्व परिस्थितीची माहिती त्यांना दिली. या वेळी शिवसेना उपनेते अनिल राठोड, खासदार सदाशिव लोखंडे, शशिकांत गाडे, रावसाहेब खेवरे, तसेच अन्य पदाधिकारी उपस्थित होते. या बैठकीत येत्या मंगळवारी वर्षां निवासस्थानावर धडक देऊन अटक करून घेण्याचा निर्णय घेण्यात आला.