गुरूवार, 28 मार्च 2024
  1. मनोरंजन
  2. बॉलीवूड
  3. सिनेगप्पा
Written By
Last Updated : गुरूवार, 13 फेब्रुवारी 2020 (17:00 IST)

'आरआरआर'साठी मानधन घेण्यास अजयचा नकार

बॉलिवूडमध्ये एस. एस. राजामौली यांच्या 'बाहुबली' या चित्रपटाला यश मिळाले होते. त्यानंतर आता राजामौली यांचा आगामी 'आरआरआर' हा चित्रपट येत आहे. यासाठी राजामौली यांनी हैदराबाद येथे एका पत्रकार परिषदेत महत्त्वाची घोषणा केली होती. यावेळी सुपरस्टार राम चरण आणि ज्युनिअर एनटीआर देखील उपस्थित होते. या दरम्यान राजामौलींनी चित्रपटामध्ये राम चरण, ज्युनिअर एनटीआर आणि अभिनेत्री आलिया भट्टसह अभिनेता अजय देवगणही झळकणार असल्याची घोषणा केली.

अभिनेता राम चरण आणि ज्युनिअर एनटीआर 'आरआरआर' चित्रपटात स्वातंत्र्यसैनिकांची भूमिका साकारणार असून आलिया आणि अजय सहायक कलाकार असणार आहेत. चित्रपटात महत्त्वाची भूमिका साकारण्यास अजने होकार दिला आहे. या चित्रपटाचा भाग होण्यासाठी तो उत्साहित असल्याचे राजामौली यांनी ट्विट केले आहे. वर्षभरात सुपरहिट चित्रपट देणारा अजय राजामौलीच्या चित्रपटात दिसणार आहे. अजयनं या चित्रपटात काम करण्यासाठी मानधन न घेण्याचं ठरवलं आहे. राजामौलींसोबत अजयची मैत्री आहे. या मैत्रीसाठीच अजयनं मानधन घेण्यास नकार दिल्याचं समजत आहे.