कोकोनट म्हैसूरपाक
नारळाचा किस, साखर, तूप, मावा, बदाम
साहित्य-- 100 ग्रॅम नारळाचा किस, 50 ग्रॅम साखर, 50 ग्रॅम तूप, 25 ग्रॅम मावा, 10 ग्रॅम बदाम व पिस्ता काप. कृती-- एका कढईत नारळाचा किस, मावा, साखर व तूप घेऊन मंद आचेवर एकसारखे हलवत रहा. हलवत असताना एकाच दिशेने हलवा. हे मिश्रण फुलायला लागले की गॅसवरून उतरवून घ्या. तूप लावलेल्या ताटात वरील मिश्रण काढून घ्या. वरून बदाम व पिस्त्याचे काप पसरवा व गरम असतानाच कापून घ्या. हवा बंद डब्यातच भरा.
