मेक्सिकोमध्ये बंदूकधाऱ्यांनी केलेल्या गोळीबारात 10 जण ठार

अमेरिकेत शनिवारी रात्री उशिरा पुन्हा एकदा गोळीबाराची घटना घडली. मिळालेल्या माहितीनुसार, मध्य मेक्सिकोच्या क्वेरेटारो राज्यातील एका बारमध्ये बंदुकधारींनी 10 जणांची हत्या केली. राज्याच्या राजधानीच्या डाउनटाउन भागातील एका बारमध्ये ही घटना घडली.चार बंदुकधारींनी बारमध्ये प्रवेश केला आणि सात पुरुष आणि तीन महिलांची हत्या केली.

या गोळीबारात अन्य सात जण जखमी झाल्याची माहिती या प्रकरणाचा तपास करणाऱ्या अधिकाऱ्यांनी दिली. एक जण अद्याप पोलिसांच्या ताब्यात आहे. घटनास्थळी कसून चौकशी करण्यात येत आहे.

क्वेरेटरोचे गव्हर्नर मॉरिसियो कुरी यांनी ट्विटरवर सांगितले. आम्ही आमच्या सीमा सील करत राहू आणि आमच्या राज्याची सुरक्षा राखू.

दरम्यान, रविवारी अलाबामा येथील तुस्केगी विद्यापीठात प्रचंड गोळीबार झाला. या गोळीबारात एकाचा मृत्यू झाला तर 16 जण जखमी झाले. याप्रकरणी एकाला शस्त्रासह अटक करण्यात आली आहे.

Edited By - Priya Dixit