शुक्रवार, 19 जुलै 2024
  1. मराठी बातम्या
  2. महाराष्ट्र न्यूज
  3. आंतरराष्ट्रीय
Written By
Last Modified: रविवार, 25 फेब्रुवारी 2024 (10:46 IST)

पूर्व चीनच्या जिआंगसू प्रांतात इमारतीला आग, 15 ठार, 44 जखमी

fire
चिनी इमारतीला लागलेल्या आगीमुळे 15 जणांचा मृत्यू झाल्याची माहिती आहे. या अपघातात 44 जण जखमीही झाले आहेत. शुक्रवारी सकाळी लागलेल्या आगीत जखमी झालेल्या 44 जणांवर स्थानिक रुग्णालयात उपचार सुरू आहेत. पूर्व चीनमधील जिआंगसू प्रांतातील नानजिंग येथे झालेल्या अपघाताबाबत पालिका अधिकाऱ्यांनी शनिवारी सांगितले की, मृतांचा आकडा वाढू शकतो. महिनाभरातील हा दुसरा मोठा अपघात आहे. अशाच अन्य एका अपघातात 39 जणांचा मृत्यू झाला होता. इमारतीच्या पहिल्या मजल्यावर इलेक्ट्रिक सायकली ठेवण्यात आल्याचे प्राथमिक तपासात निष्पन्न झाले आहे.
 
वृत्तानुसार, चीनमध्ये जवळपास महिनाभरातील ही दुसरी मोठी आगीची दुर्घटना आहे. 23 फेब्रुवारीपूर्वी, 24 जानेवारीला पूर्व चीनमधील जिआंग्शी प्रांतातील झिन्यु शहरात एका इमारतीला भीषण आग लागली होती. यामध्ये 39 जणांचा मृत्यू झाला, तर 9 जण जखमी झाले. जिन्युच्या युशुई जिल्ह्यात रस्त्याच्या कडेला असलेल्या दुकानाला आग लागली.
 
Edited By- Priya Dixit