ट्विटर ,फेसबुकनंतर आता अॅमेझॉनवर टाळेबंदी! 3500 हून अधिक कर्मचाऱ्यांना कामावरून काढले
फेसबुकची मूळ कंपनी मेटाने मोठ्या प्रमाणात टाळेबंदीच्या घोषणेनंतर आता अॅमेझॉननेही कर्मचाऱ्यांना काढून टाकण्यास सुरुवात केली आहे. ई-कॉमर्स कंपनी अॅमेझॉनमध्ये काम करणारे सॉफ्टवेअर इंजिनियर जेमी झांग यांनी एका लिंक्डइन पोस्टमध्ये दावा केला आहे की त्यांना कंपनीतून काढून टाकण्यात आले आहे.
अॅमेझॉनच्या एका माजी कर्मचाऱ्याच्या पोस्टमध्ये असेही म्हटले आहे की संपूर्ण रोबोटिक्स टीमला गुलाबी स्लिप देण्यात आली होती.लिंक्डइन डेटानुसार कंपनीच्या रोबोटिक्स विभागामध्ये किमान 3766 लोक काम करतात.माजी कर्मचाऱ्याने केलेल्या दाव्यावर विश्वास ठेवला तर कंपनीने 3500 हून अधिक कर्मचाऱ्यांना कामावरून काढून टाकले आहे.
कंपनीने गेल्या आठवड्यातच हायरिंग फ्रीज जाहीर केले होते.गेल्या आठवड्यात, अॅमेझॉनने एका अंतर्गत मेलमध्ये सांगितले की कंपनी मॅक्रो इकॉनॉमिक वातावरणामुळे हायरिंग फ्रीज सुरू करेल.हायरिंग फ्रीज काही महिन्यांसाठी राहील. हायरिंग फ्रीज असूनही, कंपनी काही प्रकल्पांसाठी नवीन कर्मचारी नियुक्त करेल तसेच स्वेच्छेने कंपनी सोडलेल्या कर्मचाऱ्यांच्या बदल्या करेल.
Edited By - Priya Dixit
