धर्मवीर ट्रेलर : प्रसाद ओक सांगतो, आनंद दिघे लोकांना हंटरने का मारायचे ते सिनेमातून कळेल...

prasad oak
Last Modified सोमवार, 9 मे 2022 (08:38 IST)
-प्राजक्ता पोळ
शिवसेनेचे दिवंगत नेते आनंद दिघे यांच्या जीवनावर आधारित 'धर्मवीर' हा सिनेमा प्रेक्षकांच्या भेटीला येतो आहे. या सिनेमाचा ट्रेलर सोशल मिडीयावर प्रचंड व्हायरल होत आहे. हा सिनेमा निवडणुकीच्या पार्श्वभूमीवर आता आणण्यात आला आहे का? आनंद दिघे यांच्या कामाबरोबरच वादग्रस्त घटनांचाही या सिनेमात समावेश करण्यात आला आहे का? अशा अनेक प्रश्नांवर धर्मवीर आनंद दिघेंची भूमिका करणारा अभिनेता प्रसाद ओकने बीबीसी मराठीशी संवाद साधला.

प्रश्न- सध्या राज्याच्या राजकारणात ध्रुवीकरण झालेलं बघायला मिळतंय. अशावेळी शिवसेनेकडे झुकणारा हा सिनेमा तुझ्याकडे आला. त्यातल्या प्रमुख भूमिकेबद्दल तुला विचारण्यात आलं. तेव्हा तुझ्या मनात काय विचार आले?
प्रसाद ओक - या सिनेमाचे निर्माते मंगेश देसाई यांनी मला लूक टेस्टसाठी बोलवलं. तेव्हापर्यंत मला माहिती नव्हतं की हा सिनेमा हा कोणता सिनेमा आहे? कशाबद्दल आहे? लूक टेस्ट देताना मी म्हटलं अरे मला सांग तरी की कशाबद्दल हा सिनेमा आहे? मी कशी ऑडिशन द्यायची आहे. तेव्हा त्याने मला सांगितलं की आनंद दिघेंवर 'धर्मवीर' नावाचा सिनेमा करतोय. आनंद दिघेंची भूमिका तुला साकारायची आहे. तेव्हा माझ्या पायाखालची जमीनच सरकली.
मंगेश म्हणाला तुला टेन्शन येईल म्हणून मी सांगितलं नव्हतं. पण इतक्या मोठ्या माणसाची भूमिका करायची तेव्हा मला जबरदस्त टेन्शन आलं होतं. पण पक्षाचा विचार ती भूमिका करताना माझ्या मनात एक अभिनेता म्हणून कधीही आला नाही. दिघे साहेब हे शिवसेनेचे नेते होते हे उघड आहे. पण आताच जे राजकारण सुरू आहे त्यानुसार काही वादविवाद होणार नाहीत ,याची काळजी दिग्दर्शक आणि लेखक प्रवीण तरडे यांनी घेतली आहे. त्यामुळे याची झळ माझ्यापर्यंत आली नाही.
प्रश्न -या सिनेमामधला 'लूक' खूप हुबेहुब झाला आहे. ही भूमिका साकारताना काय आव्हानं होती?
प्रसाद ओक- आम्हीच शेकडो माणसांशी बोललो जे साहेबांबरोबर राहत होते. कितीतरी तासांचे ऑडिओ रेकॉर्डिंग प्रवीण तरडेकडे आहे. ते मी ऐकत होतो. ते कसे चालायचे, कसे बोलायचे, कसे वागायचे या सगळ्याचा एक अभ्यास केला. गेला दुर्दैवाने त्यांचे व्हिडीओज खूप कमी आहेत. कारण ते कधी भाषण करायचे नाहीत. त्यामुळे फोटोवरून अनेक गोष्टी त्यांच्या माझ्या भूमिकेत आणण्याचा प्रयत्न केला. लूक तर विद्याधर भट्टेंनी अप्रतिम केला आहे. पण सर्वात महत्त्वाचे त्यांचे डोळे होते. अनेकदा ते काहीच बोलायचे नाहीत. ते फक्त बघायचे त्यावरून त्यांना काय हवं हे कळायचं असं कार्यकर्ते सांगतात. त्यामुळे डोळ्यांवर खूप अभ्यास केला. ही भूमिका करणं कठीण होतच पण मी खूप एन्जॉय केलं.
प्रश्न - हा सिनेमा निवडणूकीच्या पार्श्वभूमीवर येतो आहे. दक्षिण भारतात विशेषतः निवडणुकीच्या आधी असे सिनेमे येतात. त्याचा लोकांवर सकारात्मक परिणाम होतो. या सिनेमाचा निवडणुकीत काही परिणाम होईल असं तुम्हाला वाटतं का?
प्रसाद ओक- निवडणुकीत फायदा होईल की नाही याचा विचार आमच्या दिग्दर्शक किंवा लेखक यांनी केला आहे असं मला वाटत नाही. हा सिनेमा अत्यंत शुद्ध हेतूने प्रेक्षकांच्या समोर येतोय. मंगेश देसाईचं असं म्हणणं होत की, इंटरनेटवर आनंद दिघे सर्च केलं की, सिंघानिया हॉस्पिटलची दुर्दैवी घटना येते. ती घटना खरंच दुर्दैवी होती. परंतु आनंद दिघे यांचं काम हे अत्यंत मोठं आहे आणि ते लोकांसमोर आलं पाहिजे या शुद्ध हेतूने हा सिनेमा प्रेक्षकांसमोर आणतोय. जर यातून निवडणुकीला फायदा होत असेल तर तो तर ते या सिनेमाचं 'बाय-प्रॉडक्ट' आहे असं मला वाटतं.
प्रश्न- या सिनेमाच्या ट्रेलरवरून दिघेंच्या व्यक्तिमत्वाचं एक उदात्तीकरण केल्याचं दिसतय. प्रत्येक व्यक्तिमत्वाच्या दोन बाजू असतात. आनंद दिघेंचंही तसंच होतं. ते हंटरने लोकांना मारायचे, त्यांच्यावर टाडासारखा गुन्हा दाखल होता. त्यांच्या निधनानंतर सिंघानिया हॉस्पिटल जाळलं गेलं. या घटना सिनेमात दाखवल्या गेल्या आहेत की नाही?
प्रसाद ओक- आनंद दिघेंबाबत काय वादविवाद झाले होते याकडे लक्ष न देता त्यांच्या चांगल्या बाजू यामध्ये दाखवण्यात आले आहेत. जसं आता तू म्हणालीस, की ते हंटर ने लोकांना मारायचे. पण का मारायचे? त्याच्यामागे काय हेतू होता? किंवा त्यांच्यावर टाडा लागला. तो का लागला? टाळी एका हाताने वाजत नसते. त्याला काहीतरी दुसरी बाजूही असते. दिघेंची आतापर्यंत काळी बाजूच समोर आली आहे. त्यामुळे आता चांगली बाजू दाखवण्याचा हा प्रयत्न आहे. ती प्रचंड काम करत असत अनेक कार्यकर्ते सांगतात की, ते एका दिवसात दोन दिवस जगायचे. इतकं काम ते करायचे. त्यामुळे त्यांची चांगली बाजू आहे ही लोकांच्या समोर आली पाहिजे.
प्रश्न- आनंद दिघेंचं काम हे निश्चित मोठं असेल. पण इंग्रजी सिनेमांमध्ये जर एखादा 'बायोपिक' येत असेल तर ते पात्र त्यांच्याकडून दाखवलं जातं. उदाहरणार्थ विस्टन चर्चीलवर सिनेमा काढला तर त्यांच्या दोन्ही बाजू दाखवल्या जातात. त्याचं उदात्तीकरण केलं जात नाही. तू सुद्धा एक दिग्दर्शक आहेस. तुला याबाबत काय वाटतं?
प्रसाद ओक- या सिनेमामध्ये आनंद दिघे यांची काय तत्व होती आणि त्यांची लोकप्रियताही कशी वाढत गेली हे तुम्हाला बघायला मिळणार आहे. जसे तू म्हणतेस की ते हंटरने मारायचे तर ते कोणाला मारायचे? ते कशासाठी मारायचे? त्यामागे काय हेतू होता? हे सगळं सिनेमामध्ये बघायला मिळेल आणि मला असं वाटतं की हा चित्रपट पाहिल्यानंतर तुम्हाला तुमच्या सगळ्या प्रश्नांची उत्तरं मिळतील.
प्रश्न- तू अभिनेता म्हणून ही भूमिका जरी करत असलास तरी तुझ्या मनात शिवसेना आहे का?
प्रसाद ओक- माननीय हिंदूहदयसम्राट बाळासाहेब ठाकरे यांना शतश: वंदन करणारा मी माणूस आहे. माननीय बाळासाहेब ठाकरे यांनी किंवा आनंद दिघेंसारख्या नेत्यांनी अनेक मराठी माणसांचे संसार उभे केले आहेत. घरं सावरली आहेत. या कामाला मी वंदन करतो.


यावर अधिक वाचा :

अयोध्या विशेष : राम जन्मस्थळ अयोध्यांचे 10 मुख्य प्रेक्षणीय ...

अयोध्या विशेष : राम जन्मस्थळ अयोध्यांचे 10 मुख्य प्रेक्षणीय स्थळ...
सप्तपुरींपैकी एक असलेली अयोध्या हिंदू, जैन, बौद्ध आणि शीख समुदायासाठी एक महत्त्वाचे ...

कुणकेश्वरचा इतिहास

कुणकेश्वरचा इतिहास
देवगडच्या दक्षिणेस 20 कि. मी. वर असलेले श्री क्षेत्र कुणकेश्वर निसर्गरम्य सौंदर्यस्थळ आणि ...

सफर निसर्गरम्य बूंदीची

सफर निसर्गरम्य बूंदीची
भटकंतीच्या दृष्टीने राजस्थानचं विशेष महत्त्व राहिलं आहे. राजस्थानमध्ये गेल्यावर जयपूर, ...

पलरुवी अर्थात दुधाचा धबधबा

पलरुवी अर्थात  दुधाचा धबधबा
केरळमधील सगळ्यात सुंदर धबधब्यांपैकी एक आहे, जो 300 फूट उंचावरून खाली येतो. दक्षिण ...

रामेश्वरम्: एक प्रसिद्ध तीर्थक्षेत्र

रामेश्वरम्: एक प्रसिद्ध तीर्थक्षेत्र
रामेश्वरम्, भारताच्या दक्षिण दिशेस बंगालच्या उपसागराच्या किनाऱ्यावर असणारे एक शहर. या ...

Dwarkadhish Temple Dwarka द्वारकाधीश मंदिर द्वारका

Dwarkadhish Temple Dwarka द्वारकाधीश मंदिर द्वारका
द्वारकाधीश मंदिर गुजरात राज्यातील द्वारका या पवित्र शहरात गोमती नदीच्या काठावर आहे. ...

बिपाशा बसूने बोल्ड स्टाईलमध्ये प्रेग्नन्सीची घोषणा केली, ...

बिपाशा बसूने बोल्ड स्टाईलमध्ये प्रेग्नन्सीची घोषणा केली, वयाच्या 43 व्या वर्षी होणार आई
बॉलीवूड अभिनेत्री बिपाशा बसूने सोशल मीडियावर पोस्ट टाकून तिच्या गरोदरपणाची घोषणा केली ...

GHE DABBAL-30सप्टेंबरला उडणार ‘घे डबल’चा धमाका! भाऊ कदम ...

GHE DABBAL-30सप्टेंबरला उडणार ‘घे डबल’चा धमाका! भाऊ कदम झळकणार दुहेरी भूमिकेत !!!
मराठी पडद्यावर विनोदी आणि धमाकेदार चित्रपटाचे लवकरच आगमन होणार आहे. आणि या चित्रपटाचे ...

साखर कुठून मिळते ?

साखर कुठून मिळते ?
शिक्षक: असं कोणतं झाड आहे, ज्याचं रस खूप गोड असतं? मन्या : माहीत नाही.

खेळणी लपवून ठेव

खेळणी लपवून ठेव
गण्या : आई आई, मन्या येतोय. आधी सगळी खेळणी आत ठेवूयात.