टीम इंडियाची फायनलमध्ये धडक

WTC अंतिम 2023: दोन सामन्यांच्या कसोटी मालिकेतील पहिला सामना न्यूझीलंड आणि श्रीलंका यांच्यात क्राइस्टचर्च येथे खेळला गेला. न्यूझीलंडने हा रोमांचक कसोटी सामना शेवटच्या चेंडूवर 2 विकेटने जिंकला. या सामन्यामुळे जिथे श्रीलंका संघाचे मनसुबे उद्ध्वस्त झाले, तिथेच भारतीय क्रिकेट संघासाठी एक आनंदाची बातमी आहे. ऑस्ट्रेलिया विरुद्ध बॉर्डर गावस्कर ट्रॉफी 2023 चा शेवटचा कसोटी सामना संपण्यापूर्वीच टीम इंडिया वर्ल्ड टेस्ट चॅम्पियनशिप (WTC 2023) च्या अंतिम फेरीत पोहोचली आहे. खरे तर हे शक्य झाले जेव्हा न्यूझीलंड संघाने श्रीलंकेला हा कसोटी सामना जिंकण्यापासून रोखला. न्यूझीलंडच्या विजयाचा हिरो ठरलेल्या माजी कर्णधार केन विल्यमसनने नाबाद 121 धावांची खेळी केली.

New Zealand scurry to a famous Test win running a bye off the final ball!

Sri Lanka's push for a spot in the #WTC23 final falls agonisingly short!#NZvSL Scorecard: https://t.co/p873rNARKS pic.twitter.com/CnFWN8xBti

— ICC (@ICC) March 13, 2023

जागतिक कसोटी चॅम्पियनशिपच्या पहिल्या आवृत्तीत उपविजेता ठरलेला भारतीय संघ आता सलग दुसऱ्यांदा अंतिम फेरीत पोहोचला आहे. यावेळी अंतिम सामना 7 जून 2023 पासून खेळवला जाईल, ज्यामध्ये ऑस्ट्रेलियाचा सामना भारताशी होईल. ऑस्ट्रेलियन संघाने यापूर्वी इंदूर कसोटी जिंकून अंतिम फेरीत धडक मारली होती. आता रोहित शर्माच्या नेतृत्वाखालील टीम इंडिया इतिहास रचण्याकडे लक्ष देईल. लंडनच्या ओव्हल मैदानावर अंतिम सामना खेळवला जाईल. विराट कोहलीच्या नेतृत्वाखालील टीम इंडियाला मागील आवृत्तीच्या फायनलमध्ये न्यूझीलंडकडून पराभव पत्करावा लागला होता. पण यावेळी त्याच न्यूझीलंडने टीम इंडियाला फायनलमध्ये पोहोचण्यास मदत केली आहे.