कारमधून 13 किलो सोन्याची बिस्किटे जप्त

भदोही : यूपीच्या भदोही जिल्ह्यात एका कारमधून 13 किलो सोन्याची बिस्किटे जप्त करण्यात आली आहेत. कोटय़वधी रुपये किमतीचे हे सोने पोलिसांनी तपासादरम्यान जप्त केले आहे. वास्तविक भदोही पोलीस कोतवाली परिसरात वाहनांची झडती घेत होते.

दरम्यान त्यांनी एका गाडीला थांबण्याचा इशारा केला मात्र गाडीत बसलेले लोक वेग वाढवून पळू लागले. पोलिसांनी पाठलाग करून गाडी अडवली. यानंतर एक व्यक्ती गाडीतून खाली उतरून पळून गेला. पोलिसांनी कारची झडती घेतली असता त्यात बसलेल्या दोघांकडून सोन्याची बिस्किटे जप्त करण्यात आली. एवढ्या मोठ्या प्रमाणात सोने पाहून पोलीसही चक्रावून गेले.

 पकडलेल्या सोन्याच्या बिस्किटांचे वजन 13 किलो होते. पोलिसांनी कारमध्ये उपस्थित असलेल्या दोन्ही तस्करांना अटक केली. बाजारात जप्त करण्यात आलेल्या सोन्याची किंमत सुमारे आठ कोटी रुपये आहे. भदोहीच्या एसपी मीनाक्षी कात्यायन यांच्या नेतृत्वाखाली पोलिसांच्या पथकाने कारवाई केली आहे. याआधी यूपीच्या सुलतानपूर जिल्ह्यात तपासणीदरम्यान पोलिसांनी तस्करांकडून 1 किलो सोन्याची बिस्किटे जप्त केली होती.

 या बिस्किटावर ऑस्ट्रेलियन सरकारचा ट्रेडमार्क होता. सोन्याच्या बिस्किटांची नेपाळमार्गे भारतात तस्करी होत असल्याचे सांगण्यात येत आहे. पोलिसांनी तिन्ही तस्करांना अटक केली होती. माहितीनुसार, महसूल गुप्तचर संचालनालयाला (लखनौ झोनल युनिट) खबर मिळाली होती की, परदेशातील सोने (गोल्ड बिस्किट) गोरखपूर ते सुलतानपूर मार्गे प्रयागराज येथे आणले जात आहे.

माहिती मिळताच सुलतानपूर पोलिसांशी संपर्क साधला असता वाहनांची सखोल तपासणी सुरू करण्यात आली. यादरम्यान तिघांना पकडण्यात आले असून त्यांच्याकडून एक किलो सोने जप्त करण्यात आले आहे. अटक करण्यात आलेल्यांकडून सुमारे 1 किलो वजनाची ऑस्ट्रेलियन मार्क सोन्याची बिस्किटे जप्त करण्यात आली आहेत. चौकशीत तिघांनी हे सोने नेपाळमार्गे भारतात आणल्याचे सांगितले.