Bihar Accident :भरधाव ट्रकने 20 जणांना चिरडले, 12 जणांचा मृत्यू
बिहारच्या वैशाली येथे रविवारी रात्री नऊच्या सुमारास भीषण अपघात झाला. रात्री जेवण करून पायी परतत असलेल्या काही लोकांवर ट्रक धावला. या अपघातात 12 जणांचा मृत्यू झाल्याची माहिती मिळत आहे. मृतांमध्ये आठ लहान मुलांचाही समावेश आहे. तर 10 हून अधिक जण गंभीर जखमी झाले आहेत. ही घटना वैशाली जिल्ह्यातील देसरी पोलीस ठाण्याच्या हद्दीतील सुलतानपूर गावातील आहे. लोकांना धडकल्यानंतर ट्रक पिंपळाच्या झाडावर आदळला. ट्रक पिंपळाच्या झाडावर आदळल्याने चालक जखमी अवस्थेत स्टेअरिंगमध्ये अडकला. तेथे एक मृतदेह ट्रकमध्ये अडकला आहे.
जवळच नवतन पूजा असल्याचे स्थानिक लोकांनी सांगितले. त्यातच लोक मुलांसह गेले होते. मेजवानी आटोपून सर्वजण तेथून परतत होते. दरम्यान, भरधाव ट्रकने तुडवले. यामध्ये 10 जणांचा जागीच मृत्यू झाला, तर 10 हून अधिक जण गंभीर जखमी झाले आहेत. स्थानिकांनी दिलेल्या माहितीनुसार, ट्रकचा चालक दारूच्या नशेत होता. अपघाताची माहिती मिळताच हाजीपूर सदर रुग्णालयातून शववाहिका आणि रुग्णवाहिका रवाना करण्यात आल्या आहेत. सदर रुग्णालयातील डॉक्टर आणि वैद्यकीय कर्मचाऱ्यांना सतर्क करण्यात आले आहे.
घटनास्थळी नागरिकांची मोठी गर्दी झाली आहे. पोलीसही घटनास्थळी दाखल झाले आहेत. ट्रक चालक दारूच्या नशेत गाडी चालवत असल्याचे सांगण्यात येत आहे. पोलिसांनी मृतदेह शवागारात पाठवले आहेत. तर जखमींना रुग्णालयात दाखल करण्यात आले आहे.
सुलतानपूर गावाजवळच्या गावात मांगलिकाचा कार्यक्रम होता. या कार्यक्रमाला लहान मुलांसह लोक मोठ्या संख्येने पोहोचले होते. रात्री उशिरा जेवण करून सर्वजण पायी परतत होते. त्याचवेळी एका अनियंत्रित ट्रकने अनेक लोकांवर धाव घेतली. ट्रक चालक मद्यधुंद असल्याचे सांगण्यात येत आहे. दुसरीकडे, घटनेची माहिती मिळताच हाजीपूर जिल्हा रुग्णालय हाय अलर्टवर आहे. अधिकारी आणि पोलीस घटनास्थळी दाखल झाले आहेत. या अपघाताची माहिती गावात पोहोचताच कुटुंबीयांचा आक्रोश झाला.
या भीषण अपघातानंतर पंतप्रधान नरेंद्र मोदी यांनीही शोक व्यक्त केला आहे. बिहारमधील वैशाली येथे झालेला अपघात दुःखद असल्याचे ट्विट पंतप्रधानांनी केले आहे.शोकग्रस्त कुटुंबियांच्या सांत्वना. जखमी लवकर बरे होवोत. PMNRF कडून प्रत्येक मृत व्यक्तीच्या नातेवाईकांना 2 लाख रुपयांची मदत दिली जाईल. जखमींना 50 हजार रुपये देण्यात येणार आहेत.
मुख्यमंत्री नितीशकुमार यांनी शोक व्यक्त केला वैशालीच्या देसरी पोलीस ठाण्याच्या हद्दीत भरधाव ट्रकने मुलांना चिरडल्याच्या घटनेने दु:ख झाले. वैशालीच्या देसरी पोलीस ठाण्याच्या हद्दीत भरधाव ट्रकने मुलांना चिरडल्याच्या घटनेने दु:ख झाले. मृतांच्या कुटूंबियांप्रती हार्दिक संवेदना मृतांच्या नातेवाईकांना प्रत्येकी 5 लाख रुपयांचे सानुग्रह अनुदान दिले जाईल जखमींवर योग्य उपचार करण्याच्या सूचना दिल्या.
उपमुख्यमंत्री तेजस्वी यादव म्हणाले की, आज रात्री हाजीपूर येथे झालेल्या अपघातात अनेक लोकांचा मृत्यू झाल्याच्या हृदयद्रावक वृत्तामुळे मी दु:खी आहे.मी शोकग्रस्त कुटुंबांप्रती मनापासून संवेदना व्यक्त करतो आणि जखमींना लवकरात लवकर बरे व्हावे अशी इच्छा व्यक्त करतो.देव दिवंगत आत्म्याला शांती देवो आणि त्यांच्या कुटुंबीयांना हे दुःख सहन करण्याची शक्ती देवो
