रात्री शेवटचा सेल्फी घेऊन कुटुंबाची सामूहिक आत्महत्या, कोल्ड ड्रिंकमध्ये सल्फास घालून मुलांना पाजले

MP News मध्य प्रदेशची राजधानी भोपाळमध्ये एका हसऱ्या कुटुंबाने निष्पाप मुलांसह सामूहिक आत्महत्या केली. एकाच कुटुंबातील 4 जणांनी आत्महत्या केली असून, मृतांमध्ये 2 लहान मुलांचाही समावेश आहे.

मध्य प्रदेशची राजधानी भोपाळमध्ये गुरुवारी एका जोडप्याने आपल्या दोन मुलांना विष पाजून ठार मारले आणि नंतर गळफास लावून आत्महत्या केली. घटनास्थळावरून पोलिसांना सुसाईड नोट आणि सल्फासच्या गोळ्यांचे पाकीटही जप्त करण्यात आले आहे. भूपेंद्र विश्वकर्मा (38) हे कोलंबियास्थित कंपनीत ऑनलाइन नोकरी करायचे. कंपनीने त्याचा लॅपटॉप हॅक करून त्याच्या सर्व फोन नंबरवर अश्लील व्हिडिओ व्हायरल केले. यामुळे व्यथित होऊन भूपेंद्रने पत्नी रितू (35) हिच्यासह आत्महत्या केली. याआधी ऋतुराज (3) आणि ऋषिराज (8 ) या दोन मुलांना सल्फासच्या गोळ्या दिल्या गेल्या आणि त्यानंतर पती-पत्नीने गळफास घेऊन आत्महत्या केली.

त्याचवेळी या प्रकरणी भूपेंद्रचा मोठा भाऊ नरेंद्र विश्वकर्मा यांनी सांगितले की, त्यांनी दोन्ही मुले आणि पत्नीसोबत रात्री उशिरा सेल्फी काढला होता. आणि मुलांना मारण्यासाठी कोल्ड्रिंकमध्ये सल्फास मिसळून दोघांनाही प्यायला दिले. यानंतर भूपेंद्र आणि त्याची पत्नी रितू यांनी गळफास लावून दोन दुपट्टे बांधून आत्महत्या केली.

प्राथमिक तपासानुसार मृत व्यक्ती भूपेंद्र विश्वकर्मा कर्जबाजारी होते. शहरातील रतीबाद परिसरात राहणारे विश्वकर्मा यांनी पहाटे 4 वाजताच्या सुमारास व्हॉट्सअॅप मेसेज करून आपल्या या हालचालीबाबत नातेवाईकांना माहिती दिली. सकाळी 6 च्या सुमारास उठल्यानंतर नातेवाईकांनी मेसेज वाचला आणि 6.30 वाजता पोलिसांना कळवले.

नवरा-बायको एका खोलीत लटकलेल्या अवस्थेत सापडले. त्यांची आठ आणि तीन वर्षांची मुले घराच्या दुसर्‍या भागात मृतावस्थेत आढळून आली आणि त्यांना विषबाधा झाल्याचे दिसते, असे अधिकाऱ्याने सांगितले. प्राथमिक तपासात या व्यक्तीवर कर्ज होते. घटनेचा तपास सुरू आहे.