Tomato Price : मोबाईल शॉपमध्ये ऑफर सुरू, मोबाईल खरेदीवर दोन किलो टोमॅटो मोफत
देशात टोमॅटोच्या वाढत्या किमतीमुळे लोकांच्या जेवणाची चवच बिघडली आहे. सध्या बाजारात टोमॅटो 160 ते 180 रुपये किलोने विकला जात आहे. अशा स्थितीत टोमॅटोची चव चाखण्यासाठी लोकांना वेड लागले आहे.
अशी परिस्थिती बघता मध्यप्रदेशातील अशोकनगर जिल्ह्यात एका व्यावसायिकाने आपल्या मोबाईलच्या शोरूम मध्ये एक योजना सुरु केलीआहे. ही योजना सुरू केल्यानंतर व्यापारीही होर्डिंग बॅनर लावून प्रसिद्धी करत आहेत. आश्चर्याची बाब म्हणजे ही योजना सुरू झाल्यानंतर व्यापाऱ्यांच्या मोबाईल विक्रीतही वाढ झाली आहे.
या योजनेनुसार, कोणताही स्मार्टफोन घेतल्यावर ग्राहकाला दोन किलो टोमॅटो मोफत दिले जाणार आहे. या दुकानदाराची ही योजना लोकांना भुरळ घालत आहे. मोफत टोमॅटोची ऑफर पाहून अनेकजण या मोबाईल शॉपीपर्यंत पोहोचत आहेत. या योजनेचा टोमॅटोप्रेमींना कितपत फायदा होईल, हे माहीत नाही, मात्र सध्या तो परिसरात चर्चेचा विषय बनला आहे.
दुकानदार म्हणाले, आम्ही ही योजना टोमॅटोच्या वाढत्या दरामुळे सुरु केली आहे.
प्रत्येक कंपनीच्या मोबाईलवर मोफत टोमॅटो ऑफर दिली जात आहे. यामुळे विक्री थोडी मोठी झाली असली तरी ग्राहक मात्र खूश दिसत आहेत. त्याचवेळी सोशल मीडियावर लोक टोमॅटोच्या वेगवेगळ्या प्रकारची रील दाखवत आहेत.
सोशल मीडियावर 'पेट्रोल हुआ टमाटर से सस्ता'ची रील बनवत आहे. काही लोक कपाटात ठेवत आहेत तर काही लोक मोबाईल विकण्यासोबत टोमॅटो मोफत देत आहेत. टोमॅटोचे भाव वाढल्याने लोक टोमॅटोशिवाय इतर अनेक भाज्या खायला लागले आहेत.
Edited by - Priya Dixit
