भारतीय रेल्वेने आतापर्यंतच्या सर्वाधिक प्रवासी संख्येच्या विक्रमाची नोंद केली आहे. यंदा भारतीय रेल्वेतून तब्बल ८ हजार २२१ मिलियन प्रवाशांनी प्रवास केला. २०१५-१६ या कालावधीत भारतीय रेल्वेने प्रवास करणाऱ्यांची संख्या ८ हजार १५१ मिलियन इतकी होती. २०१६-१७ च्या कालावधीत यामध्ये ७० मिलियनची वाढ झाली आहे. यंदाच्या वर्षात रेल्वेला एकूण ४७ हजार ४०० कोटी रुपयांचे उत्पन्न मिळेल, असा अंदाज आहे. गेल्या वर्षीच्या तुलनेत यंदाचे रेल्वेचे उत्पन्न २ हजार कोटींनी वाढले आहे. विशेष म्हणजे प्रवासी संख्येसोबतच यंदा उत्पन्नांच्या बाबतीतही भारतीय रेल्वेने उच्चांकाची नोंद केली आहे.
