Ludhiyana : रेस्टारेंटच्या जेवणात मेलेला उंदीर आढळला, व्हिडीओ व्हायरल

लुधियानामधील एका प्रसिद्ध ढाब्याचा व्हिडिओ सोशल मीडियावर व्हायरल झाला आहे. त्यात एका डिशचे फुटेज आहे ज्यावरून ढाबा मालक आणि कुटुंबात वाद झाला. फुटेजमध्ये एक मांसाहारी डिश दिसत आहे, ज्यामध्ये एका तुकड्यावर बरेच लक्ष केंद्रित केले आहे. कुटुंबाचा असा दावा आहे की त्यांनीच ही मटण डिश ऑर्डर केली होती, ज्यामध्ये मेलेला उंदीर देखील होता. हे पाहून कुटुंबीयांनी डिशचा व्हिडिओ बनवला आणि ढाब्यावर एकच गोंधळ उडाला.लुधियानाच्या विश्वकर्मा चौकाजवळील एका सुप्रसिद्ध रेस्टॉरंटमध्ये जेवायला आलेल्या कुटुंबाला त्यांच्या डिशमध्ये एक मेलेला उंदीर आढळला.

त्यानंतर कुटुंबीयांनी हा व्हिडिओ सोशल मीडियावर व्हायरल केला. व्हिडिओमध्ये ढाब्याचा मालक हात जोडून कुटुंबाची माफी मागताना दिसत आहे. मात्र नंतर ढाब्याच्या मालकाने आपल्या ढाब्याची बदनामी करण्याचे षडयंत्र रचल्याचे सांगितले.

हा व्हिडिओ गगनदीप सिंग नावाच्या युजरने सोशल मीडियावर शेअर केला आहे. 

In a famous restaurant of Ludhiana, a customer alleged that a rat had been served in their order of Malai Mutton and made a video of it. On the other hand, the restaurant owner rejects the claim and alleges that the customer is trying to defame his restaurant by using this trick. pic.twitter.com/lI3rc9BSLr

— Gagandeep Singh (@Gagan4344) July 3, 2023

व्हिडीओमध्ये ग्राहक असे म्हणताना ऐकू येतो की, आधी अर्धा तास जागा मिळाली नाही. त्यानंतर अर्धा तास पाणी आले नाही. नंतर दोन तासांनी त्यांची ऑर्डर आली.धाब्याच्या मालकाने ट्विट केले की आमच्या रेस्टारेंट ला बदनाम केले जात आहे. आमचे रेस्टारेंट 1968 पासून सुरु असून आजतायागत अशा प्रकारे कोणतीही तक्रार आलेली नाही.तीन महिन्यांपूर्वी या ग्राहकाचे ढाब्यावर बिलावरून भांडण झाले होते.  

व्हिडीओ व्हायरल झाल्यानंतर युजर्सची संतापजनक प्रतिक्रिया येत आहे. 

  Edited by - Priya Dixit