Pakistan Floods: पुराशी झुंज देत असलेल्या पाकिस्तानसाठी राहुल गांधींचा संदेश
काँग्रेसचे माजी अध्यक्ष राहुल गांधी यांनी शुक्रवारी पाकिस्तानातील पूर ही भयानक शोकांतिका असल्याचे म्हटले आणि ज्यांनी आपले कुटुंबीय गमावले त्यांच्याबद्दल शोक व्यक्त केला. "पाकिस्तानमधील पूर ही एक भयंकर शोकांतिका आहे. बाधित झालेल्यांबद्दल मनापासून सहानुभूती आणि ज्यांनी आपले प्रियजन गमावले त्यांच्याबद्दल शोक," त्यांनी ट्विट केले
पाकिस्तानला सध्या भीषण पुराचा सामना करावा लागत आहे. देशाचा एक तृतीयांश भाग पुरामुळे बाधित झाला आहे. सोमवारी या भीषण पुरामुळे मृतांचा आकडा 1391 वर पोहोचला आहे.
संयुक्त राष्ट्राचे महासचिव अँटोनियो गुटेरेस आज दोन दिवसांच्या पाकिस्तान दौऱ्यावर आले आहेत. यावेळी त्यांनी जगातील इतर राष्ट्रांना पाकिस्तानला मदत करण्याचे आवाहन केले. ते म्हणाले, “विनाशकारी पुरानंतर पाकिस्तानी लोकांसोबत माझी एकता व्यक्त करण्यासाठी मी पाकिस्तानमध्ये आलो आहे.” मी आंतरराष्ट्रीय समुदायाला मोठ्या प्रमाणावर पाठिंबा देण्याचे आवाहन करतो. मिळालेल्या माहितीनुसार, गुटेरेस पाकिस्तान दौऱ्यादरम्यान पंतप्रधान शाहबाज शरीफ यांची भेट घेऊ शकतात. याशिवाय ते नॅशनल फ्लड रिस्पॉन्स अँड कोऑर्डिनेशन सेंटर (NFRCC) लाही भेट देतील.
