1. धर्म
  2. सण-उत्सव
  3. श्रावण
  4. Bail Pola 2026 date in Maharashtra and wishes in marahti

Bail Pola 2026 यंदा बैल पोळा तारीख, पूजा विधी आणि शुभेच्छा संदेश

पोळा (बैलपोळा) हा महाराष्ट्रात आणि प्रामुख्याने विदर्भात शेतकरी वर्गाकडून मोठ्या उत्साहात साजरा केला जाणारा बैलांप्रती कृतज्ञता व्यक्त करणारा सण आहे. हा सण श्रावण अमावस्या (पिठोरी अमावस्या) या रोजी साजरा केला जातो. यंदा २०२६ मध्ये हा सण १० सप्टेंबर रोजी साजरा केला जात आहे.
 
पोळा सणाचे मुख्य विधी आणि परंपरा:
स्नान व सजावट: पोळ्याच्या दिवशी बैलांना नदीवर किंवा ओढ्यात नेऊन स्वच्छ आंघोळ घातली जाते. त्यांच्या शिंगांना रंग रंगोटी केली जाते, बाशिंग बांधले जाते आणि पाठीवर नक्षीकाम केलेली झूल व पायात तोडे घालून त्यांना सजवले जाते.
 
खांदा शेकणे: बैलांच्या खांद्यांना हळद आणि तुपाने (किंवा तेलाने) शेकले जाते, जेणेकरून वर्षभराच्या कष्टाचा व श्रमाचा थकवा कमी होईल.
 
पूजा व औक्षण: घरी आणल्यानंतर महिला सडा-रांगोळी काढून बैलांचे स्वागत करतात, त्यांचे पाय धुतात आणि हळद-कुंकू व अक्षता वाहून औक्षण करतात.
 
नैवेद्य: या दिवशी बैलांना पुरणपोळीचा गोड नैवेद्य प्रेमाने खाऊ घातला जातो.
 
मिरवणूक: संध्याकाळी गावामध्ये वाजत-गाजत सजवलेल्या बैलांची मिरवणूक काढली जाते आणि 'झडत्या' (पोळ्याची गीते) गायली जातात.
 
तान्हा पोळा: पोळ्याच्या दुसऱ्या दिवशी लहान मुले मातीचे बैल सजवून घरोघरी फिरतात, ज्याला 'तान्हा पोळा' म्हटले जाते. ज्यांच्याकडे शेती किंवा बैल नसतो, ते मातीच्या बैलांची पूजा करतात.
 
खास शुभेच्छा संदेश
"सण आला आनंदाचा, माझ्या सर्जा राजाचा! ऋणं त्याचे माझ्या माथी, सण गावच्या मातीचा. बैल पोळ्याच्या हार्दिक शुभेच्छा!"
 
"आज आहे सण पोळा, सर्जा राजाला ओवाळा! बैल पोळ्याच्या खूप खूप शुभेच्छा!"
 
"बैल आमचा शेतकरी मित्र, शेतीचा खरा आधार. पोळा सणानिमित्त प्रेम अपार! बैल पोळ्याच्या हार्दिक शुभेच्छा!"
 
"तुझ्या अपार कष्टानं बहरते सारी भुई, एका दिवसाच्या पुजेने होईल कसा उतराई! पोळा सणाच्या हार्दिक शुभेच्छा!"
पुढील लेख
वक्रतुण्ड सहस्रनाम स्तोत्रम् : श्रीगणेशाच्या १००० नामांचे पठण