आता BMC सीसीटीव्ही कॅमेऱ्यांद्वारे रस्तेबांधणीच्या कामांवर लक्ष ठेवणार, गुणवत्ताही तपासली जाणार
मुंबई- रस्ते दुरुस्ती आणि बांधकाम कंत्राटांमध्ये दर्जेदार काम सुनिश्चित करण्यासाठी, बृहन्मुंबई महानगरपालिकेने (BMC) कंत्राटदारांना प्रकल्पाच्या ठिकाणी सीसीटीव्ही बसवण्यास सांगण्याचा निर्णय घेतला आहे. रस्ते आणि वाहतूक विभागाच्या अधिकार्‍यांच्या मते, सीसीटीव्ही फीड बीएमसी अधिकार्‍यांना रिअल टाइममध्ये सामायिक केले जाईल.
BMC मुंबईत सुमारे 2,000 किमी रस्त्यांचे जाळे सांभाळते. याबाबत नागरी संस्थेच्या अधिकाऱ्याने सांगितले की, “सीसीटीव्हीमुळे बीएमसी अधिकाऱ्यांना सध्या सुरू असलेल्या रस्त्यांची दुरुस्ती आणि बांधकामाचा मागोवा ठेवण्यास मदत होईल. यामुळे कामाच्या दर्जावरही लक्ष ठेवले जाणार आहे. सीसीटीव्ही फीड थेट रस्ते विभागाच्या अभियंत्यांपर्यंत पोहोचेल.
बीएमसीने आतापर्यंत शहरात सुमारे एक हजार किलोमीटरचे रस्ते बांधले आहेत. सुमारे 200 किमी दुरुस्तीचे काम सुरू आहे. नुकतेच महापालिका आयुक्त आय.एस.चहल यांच्या अध्यक्षतेखाली झालेल्या बैठकीत रस्त्यांच्या कामांवर देखरेख ठेवण्यासाठी गुणवत्ता व्यवस्थापन एजन्सी नेमण्याचा निर्णय घेण्यात आला. यासाठी बीएमसीने आठ एजन्सी फायनल केल्या आहेत. या एजन्सी दोन वर्षांसाठी नियुक्त केल्या जातील.
