शाहरुख खानने चेन्नईमध्ये 'जवान'चे 30 दिवसांचे शूटिंग शेड्यूल पूर्ण केले
बॉलीवूडचा सुपरस्टार शाहरुख खान 'पठाण' चित्रपटातून बऱ्याच दिवसांनी मोठ्या पडद्यावर परतणार आहे. शाहरुखकडे सध्या अनेक चित्रपट आहे. तो बॅक टू बॅक चित्रपटांच्या शूटिंगमध्ये व्यस्त आहे. पुढील वर्षी शाहरुखचे तीन मोठे चित्रपट प्रदर्शित होणार आहेत. यापैकीच एक अॅक्शनपॅक्ड चित्रपट 'जवान' आहे, ज्याचे दिग्दर्शन साऊथचे दिग्दर्शक अॅटली कार करत आहेत.
शाहरुख गेल्या अनेक दिवसांपासून चेन्नईमध्ये 'जवान' चित्रपटाचे शूटिंग करत होता. आता त्याने चित्रपटाचे चेन्नईचे शेड्यूल पूर्ण केले आहे. शाहरुखने सांगितले की, त्याने जवान चित्रपटाचे 30 दिवसांचे शेड्यूल पूर्ण केले आहे.
शाहरुखने त्याच्या अधिकृत ट्विटर हँडलवर ट्विट केले आणि लिहिले, 30 दिवस एकत्र राहिल्याबद्दल RCE च्या टीमचे आभार. थलैवा रजनीकांतने आमच्या सेटवर आशीर्वादांचा वर्षाव केला. नयनतारासोबतचा चित्रपट आणि अनिरुद्ध रविचंदरसोबत सखोल चर्चा तर विजय सेतुपतीने मला स्वादिष्ट जेवण दिले.
विशेष म्हणजे जवान या चित्रपटात शाहरुख खान, विजय सेतुपती आणि नयनतारा यांच्या महत्त्वाच्या भूमिका आहेत. गौरी खानची कंपनी रेड चिलीज एंटरटेनमेंटच्या बॅनरखाली हा चित्रपट तयार होत आहे. हा चित्रपट 02 जून 2023 रोजी हिंदीसह तमिळ, तेलगू, मल्याळम आणि कन्नड भाषेत थिएटरमध्ये रिलीज होईल.
Edited by : Smita Joshi
