सुरक्षा दलांवर हल्ला करण्याचा कट रचणाऱ्या 8 नक्षलवाद्यांना अटक

Chhattisgarh News : छत्तीसगडमधील विजापूर जिल्ह्यात आठ नक्षलवाद्यांना अटक करण्यात आली असून त्यांच्याकडून स्फोटके जप्त करण्यात आली आहे. 

पोलिसांनी ही माहिती दिली असून पोलिसांनी सांगितले की, अटक करण्यात आलेले नक्षलवादी सुरक्षा दलांना लक्ष्य करण्यासाठी उसूर-टेकमेटला मार्गादरम्यान आयईडी पेरण्याचा विचार करत होते.

शनिवारी जिल्हा राखीव रक्षक आणि स्थानिक पोलिसांनी केलेल्या नक्षलविरोधी मोहिमेदरम्यान उसूर आणि टेकमेटला गावांदरम्यान नक्षलवाद्यांना अटक करण्यात आली, असे एका अधिकारींनी सांगितले. सुरक्षा कर्मचाऱ्यांनी तीन टिफिन बॉम्ब, वायर आणि इतर साहित्य जप्त केले. शनिवारी सुरक्षा दलांनी बस्तर भागात नक्षलविरोधी कारवाईत पाच नक्षलवाद्यांचा खात्मा केला होता. या चकमकीत दोन सुरक्षा कर्मचारीही जखमी झाले आहे. मिळालेल्या माहितीनुसार यावर्षी विविध चकमकीत 197 नक्षलवादी मारले गेले आहे. 

Edited By- Dhanashri Naik