मोहन माझी यांनी घेतली ओडिशाच्या मुख्यमंत्रीपदाची शपथ

ओडिशामध्ये पहिल्यांदाच भाजपचे सरकार स्थापन झाले. केंझारचे आमदार मोहन चरण माझी यांनी आज भाजपचे पहिले मुख्यमंत्री म्हणून शपथ घेतली. त्यांच्यासोबत केव्ही सिंग देव आणि प्रभाती परिदा यांनी राज्याचे उपमुख्यमंत्री म्हणून शपथ घेतली.

ओडिशात प्रथमच, एक मुख्यमंत्री, दोन उपमुख्यमंत्री आणि 13 मंत्र्यांचे सरकार स्थापन करण्यात आले. सायंकाळी 5 वाजता शपथविधी सोहळा सुरू झाला. भुवनेश्वर येथील जनता मैदानावर या कार्यक्रमाचे आयोजन करण्यात आले होते. ओडिशाचे मुख्यमंत्री म्हणून मोहन चरण मांझी यांच्या शपथविधी सोहळ्याला उपस्थित राहण्यासाठी पंतप्रधान नरेंद्र मोदी भुवनेश्वरला पोहोचले. 

ओडिशाचे राज्यपाल रघुबर दास आणि स्वत: मोहन चरण मांझी यांनी पंतप्रधान मोदींचे विमानतळावर स्वागत केले. या कार्यक्रमात केंद्रीय गृहमंत्री अमित शहा देखील सहभागी झाले होते. या शपथविधीला उत्तराखंडचे मुख्यमंत्री पुष्कर सिंह धामी, उत्तर प्रदेशचे मुख्यमंत्री योगी आदित्यनाथ आणि गुजरातचे मुख्यमंत्री भूपेंद्र पटेलही उपस्थित होते. माजी मुख्यमंत्री नवीन पटनायक यांनीही शपथविधी सोहळ्याला हजेरी लावली होती.

11 जून रोजी झालेल्या विधिमंडळ पक्षाच्या बैठकीत माझी यांच्या नावाची घोषणा करण्यात आली होती. ओडिशातील विधिमंडळ पक्षनेतेपदाच्या निवडणुकीसाठी भाजपने पक्षाचे ज्येष्ठ नेते राजनाथ सिंह आणि भूपेंद्र यादव यांची केंद्रीय निरीक्षक म्हणून नियुक्ती केली होती. मुख्यमंत्री म्हणून निवड झाल्यानंतर माझी यांनी मुख्यमंत्रीपदाची शपथ घेतल्यानंतर भगवान जगन्नाथाच्या दर्शनासाठी पुरी येथे जाणार असल्याचे सांगितले. मोहन माझी यांच्याशिवाय अन्य 16 मंत्र्यांनीही शपथ घेतली. 

गणेश राम, संपांडे स्वैन, प्रदीप बालसामंता, गोकुळा नंद मलिक, सूर्यवंशी सूरज यांनी स्वतंत्र प्रभारासह मंत्रिपदाची शपथ घेतली. सुरेश पुजारी, रबीनारायण नाईक, नित्यानाद गोंड, पृथ्वीराज हरिचंदन, कृष्ण चंद्र महापात्रा, मुकेश महालिंग, बिभूती भूषण जेना, कृष्ण चंद्र पात्रा यांचाही माळी मंत्रिमंडळात मंत्री म्हणून समावेश करण्यात आला आहे.

आदिवासी नेते मोहन माळी यांनी विधानसभा निवडणुकीत केओंझर मतदारसंघातून विजय मिळवला आहे. या निवडणुकीत त्यांनी बिजू जनता दलाच्या मीना माझी यांचा 11,577 मतांनी पराभव केला. 52 वर्षीय भाजप नेत्याचा विधानसभा निवडणुकीतील हा चौथा विजय आहे. 

Edited by - Priya Dixit