अमेरिकन औषध निर्माता कंपनी फायझरने मंगळवारी सांगितले की त्यांचे अँटीव्हायरल कोविड औषध कोरोना विरूद्ध 90% प्रभावी आहे. या औषधाने उच्च जोखीम असलेल्या रुग्णांना मृत्यूपासून किंवा रुग्णालयात दाखल करण्यापासून वाचवले जाऊ शकते. प्रयोगशाळेतील माहितीनुसार, हे औषध कोरोनाच्या नवीन ओमिक्रॉन प्रकारावरही प्रभावी ठरले आहे. फायझर ने गेल्या महिन्यात अहवाल दिला होता की हे औषध हॉस्पिटलायझेशन किंवा मृत्यू रोखण्यासाठी 89% प्रभावी आहे. सुमारे 1200 लोकांवर औषधाची चाचणी केल्यानंतर ही आकडेवारी जाहीर करण्यात आली. तथापि, मंगळवारी जाहीर झालेल्या नवीन आकडेवारीत आणखी 1000 लोकांचा समावेश करण्यात आला आहे.
