Last Modified: जेद्दा , शुक्रवार, 27 नोव्हेंबर 2009 (12:42 IST)
सौदी अरेबियात महापूर, 77 ठार
सौदी अरेबियात गेल्या काही दिवसांपासून मुसळधार पाऊस सुरू असून त्यामुळे आलेल्या पुरात आतापर्यंत 77 जणांचा मृत्यू झाला आहे. येथे सध्या हज यात्रा सुरू असल्याने प्रशासनासमोर यामुळे मोठा प्रश्न उभा राहिला आहे. मक्काच्या नागरी सुरक्षा प्रशासनाने या संदर्भात दिलेल्या एका वक्तव्यात म्हटले आहे, की सातत्यपूर्ण पावसामुळे अनेक घरे जमीन दोस्त झाली असून अनेक गाड्या वाहून गेल्या आहेत.
या भागात सुमारे 90 मिलीमीटर पाऊस झाला असून जेद्दामध्ये 73 तर मक्कामध्ये चार जणांचा मृत्यू झाला आहे. बचावपथकाने आतापर्यंत 900 जणांना वाचविले आहे. मृतांमध्ये हज यात्रेकरुंचा समावेश नसल्याचे स्पष्ट करण्यात आले आहे.