शिवसेनेने 45 उमेदवारांची यादी जाहीर केली, एकनाथ शिंदे लढवणार या जागेवरून निवडणूक
एकनाथ शिंदे यांच्या शिवसेनेने 45 उमेदवारांची पहिली यादी जाहीर केली असून महाराष्ट्र विधानसभा निवडणूक 2024 साठी शिवसेना पक्षाच्या अधिकृत उमेदवारांची पहिली यादी मंगळवारी जाहीर करण्यात आली.
मिळालेल्या माहितीनुसार महाराष्ट्र विधानसभा निवडणुकीसाठी पक्षांनी उमेदवारांच्या याद्या प्रसिद्ध करण्यास सुरुवात केली असून भाजप आणि मनसेपाठोपाठ एकनाथ शिंदे यांच्या शिवसेनेनेही 45 उमेदवारांची पहिली यादी जाहीर केली आहे. तसेच महाराष्ट्र विधानसभा निवडणूक 2024 साठी शिवसेना पक्षाच्या अधिकृत उमेदवारांची पहिली यादी मंगळवारी जाहीर करण्यात आली. या यादीनुसार विदर्भातून 5 उमेदवारांची निवड करण्यात आली आहे.
तर मिळालेल्या माहितीनुसार कोपरी पाचपाखरी विधानसभा मतदारसंघातून मुख्यमंत्री एकनाथ शिंदे निवडणूक लढवणार आहे. विदर्भात आशिष जैस्वाल यांची रामटेकमधून उमेदवारी करण्यात आली असून बुलढाणामधून संजय गायकवाड, दरियापूरमधून अभिजीत अडसूळ, भंडारामधून नरेंद्र भोंडेकर आणि दिग्रसमधून संजय राठोड यांना उमेदवारी देण्यात आली आहे.जय महाराष्ट्र
— Eknath Shinde - एकनाथ शिंदे (@mieknathshinde) October 22, 2024
हिंदुहृदयसम्राट वंदनीय शिवसेनाप्रमुख बाळासाहेब ठाकरे आणि वंदनीय धर्मवीर आनंद दिघे साहेबांच्या आशीर्वादाने महाराष्ट्र विधानसभा निवडणूक - २०२४ साठी शिवसेना पक्षाच्या अधिकृत उमेदवारांची यादी जाहीर करण्यात येत आहे.
सर्व उमेदवारांना विजयी शुभेच्छा.@Shivsenaofc… pic.twitter.com/0rBkOkMTMU
तसेच महायुतीमध्ये अजून जागावाटप जाहीर झालेले नाही. पण भाजप आणि शिवसेनेने प्रत्येकी एक उमेदवार यादी जाहीर केली आहे. भाजप आणि शिवसेनेपाठोपाठ अजित पवारांची राष्ट्रवादी देखील यादी जाहीर करू शकते.
Edited By- Dhanashri Naik
