विराट कोहलीला आईसीसी वनडे प्लेयर ऑफ द ईयर 2023 चा पुरस्कार जाहीर

Download

Publish: Mon, 3 Jun 2024 (08:13 IST) Updated: Mon, 3 Jun 2024 (08:15 IST)

भारतीय फलंदाज विराट कोहलीलाआईसीसी वनडे प्लेयर ऑफ द ईयर 2023 चा पुरस्कार जाहीर झाला आहे. विराटला न्यूयॉर्कसाठी कॅप देण्यात आली होती. टी-२० विश्वचषकात सहभागी होण्यासाठी भारतीय संघ अमेरिकेत उपस्थित आहे. कोहली या जागतिक स्पर्धेत भारतीय संघाचा महत्त्वाचा खेळाडू असून संघाला त्याच्याकडून उत्कृष्ट खेळीची अपेक्षा आहे. कोहलीही या स्पर्धेत खेळण्यासाठी न्यूयॉर्कमध्ये भारतीय संघात सामील झाला आहे. 

इंटरनॅशनल क्रिकेट कौन्सिल (ICC) ने सोशल मीडियावर एक व्हिडिओ शेअर केला आहे ज्यामध्ये कोहलीची कामगिरी दाखवण्यात आली आहे. कोहलीला या पुरस्काराची कॅप देण्यात आल्याचे व्हिडिओमध्ये दिसत आहे. 2023 मध्ये एकदिवसीय फॉर्मेटमध्ये उत्कृष्ट कामगिरी केल्याबद्दल कोहलीला हा पुरस्कार मिळाला आहे. 

कोहलीने गतवर्षी 2023 मध्ये खेळल्या गेलेल्या 27 एकदिवसीय सामन्यांमध्ये 1377 धावा केल्या होत्या. या काळात त्याची सरासरी 72.47 आणि स्ट्राईक रेट 99.13 होता. गेल्या वर्षी त्याने एकूण सहा शतके आणि आठ अर्धशतके झळकावली, तर त्याची सर्वोच्च वैयक्तिक धावसंख्या नाबाद 166 होती.

गेल्या वर्षी आशिया चषक स्पर्धेत भारताच्या विजयात कोहलीचे मोलाचे योगदान होते. त्याने पाकिस्तानविरुद्ध सुपर फोरमध्ये 94 चेंडूत 122 धावांची नाबाद खेळी खेळली होती. यानंतर कोहलीच्या बॅटने एकदिवसीय विश्वचषकातही चांगली कामगिरी केली. कोहलीने 2023 मध्ये भारतात खेळल्या गेलेल्या एकदिवसीय विश्वचषकातील 11 सामन्यांमध्ये 765 धावा केल्या होत्या, ज्यात तीन शतके आणि सहा अर्धशतकांचा समावेश होता.

Edited by - Priya Dixit