शुक्रवार, 29 मार्च 2024
  1. मराठी बातम्या
  2. महाराष्ट्र न्यूज
  3. मुंबई
Written By
Last Modified: शुक्रवार, 25 फेब्रुवारी 2022 (15:05 IST)

नवाब मलिक यांना वैद्यकीय तपासणीसाठी जेजे रुग्णालयात दाखल केलं

अंमलबजावणी संचालनालयाच्या ( ईडी ) अधिकाऱ्यांनी राष्ट्रवादी काँग्रेसचे नेते आणि राज्याचे अल्पसंख्यांक मंत्री नवाब मलिक यांना ईडी कार्यालयातून वैद्यकीय तपासणीसाठी नेले . येथे त्यांना जेजे रुग्णालयात दाखल करण्यात आले आहे. 
 
दाऊद इब्राहिम मनी लाँडरिंग प्रकरणात नवाब मलिकला 3 मार्चपर्यंत ईडी कोठडीत पाठवण्यात आले आहे . मनी लाँड्रिंग प्रकरणात ईडी सातत्याने कारवाई करत आहे. गुरुवारी, एजन्सीने याप्रकरणी नवाब मलिकचे  भाऊ कप्तान मलिक यांना ही चौकशीसाठी बोलावले होते. बुधवारी एजन्सीने आठ तासांच्या चौकशीनंतर नवाब मलिक यांना  अटक केली.
 
अंडरवर्ल्ड गँगस्टर दाऊद इब्राहिमची बहीण हसिना पारकर हिच्याशी आर्थिक संबंध असल्याच्या आणि मनी लाँड्रिंग रॅकेटला चालना दिल्याच्या आरोपावरून ईडीने नवाब मलिकयांना अटक केली होती. मलिकची अटक दाऊद इब्राहिम आणि त्याच्या साथीदारांच्या कथित हवाला नेटवर्कच्या ईडीच्या मनी लाँड्रिंगच्या चौकशीच्या संदर्भात आहे ज्यामध्ये देशविरोधी कारवायांना प्रोत्साहन देणे आणि भारतात दहशतवाद पसरवणे आहे.