सोमवार, 26 सप्टेंबर 2022
  1. मराठी बातम्या
  2. महाराष्ट्र न्यूज
  3. राष्ट्रीय
Written By
Last Modified सोमवार, 15 ऑगस्ट 2022 (09:20 IST)

Independence Day 2022: Google विशेष डूडलद्वारे भारताचे स्वातंत्र्य साजरे करत आहे

स्वातंत्र्याला 75 वर्षे पूर्ण झाल्यानिमित्त भारतात अमृत महोत्सव साजरा केला जात आहे आणि याच दरम्यान गुगलने प्रत्येक वेळी प्रमाणे याही स्वातंत्र्य दिनानिमित्त सर्वोत्तम डूडल बनवले आहे. डूडल बघितल्यावर असे दिसून येते की गुगल देखील हा सोहळा एका खास पद्धतीने साजरा करत आहे. स्वातंत्र्य दिन 2022 च्या डूडलमध्ये, पतंग दिसू शकतात, जे भारताच्या संस्कृतीचे चित्रण करत आहेत आणि डूडलमध्ये बनवलेले सर्व भारतीय लोक स्वातंत्र्याची 75 वर्षे साजरी करताना दिसत आहेत.
 
या डूडलमध्ये एक महिला पतंग बनवताना दिसत आहे. याशिवाय लहान मुलांनाही यामध्ये पतंग उडवताना दाखवण्यात आले आहे. हे डूडल केरळच्या नीती कलाकाराने बनवले असून या खास प्रसंगी गुगलने एक GIF तयार केले आहे.
 
डूडलबद्दल ANI शी बोलताना, कलाकार नीती म्हणाली की पतंग उडवणे ही आमच्या सर्वात आवडत्या आठवणींपैकी एक आहे, ही शतकानुशतके जुनी परंपरा आहे जी भारतीय स्वातंत्र्य दिनाच्या उत्सवाचा भाग आहे. ते म्हणाले की, स्वातंत्र्यसैनिक त्याकाळी ब्रिटीश राजवटीच्या विरोधात घोषणा लिहिण्यासाठी पतंगांचा वापर करत आणि निषेध म्हणून ते आकाशात उडवले.
 
भारत आज 76 वा स्वातंत्र्यदिन साजरा करत आहे. स्वातंत्र्याच्या या अमृत महोत्सवानिमित्त पंतप्रधान नरेंद्र मोदी लाल किल्ल्याच्या तटबंदीवरून देशाला संबोधित करत आहेत.