गुरूवार, 28 मार्च 2024
  1. मराठी बातम्या
  2. महाराष्ट्र न्यूज
  3. राष्ट्रीय
Written By
Last Modified: शनिवार, 25 जून 2022 (18:53 IST)

तीस्ता सेटलवाड यांना गुजरात एटीएसनं ताब्यात घेतले

Gujarat ATS Detained Teesta Setalvad:सामाजिक कार्यकर्त्या तीस्ता सेटलवाड यांना गुजरात एटीएसनं घेतलं ताब्यात घेतलं आहे.गुजरात एटीएसच्या पथकाने कार्यकर्त्या तीस्ता सेटलवाडला ताब्यात घेतले आहे. तत्पूर्वी, गुजरात एटीएसचे पथक तिस्ता सेटलवाड यांच्या एनजीओविरुद्धच्या खटल्याच्या संदर्भात मुंबईतील जुहू येथील निवासस्थानी पोहोचले होते. तिस्ता सेटलवाड यांना त्यांच्या राहत्या घरातून सांताक्रूझ पोलीस ठाण्यात नेण्यात आले. 
 
कागदपत्रे ताब्यात घेतल्यानंतर गुजरात एटीएसच्या पथकाने तीस्ता सेटलवाडला सोबत घेतले. असे सांगितले जात आहे की अहमदाबादमध्ये एक खोटारडीचा खटला आहे ज्यामध्ये 6 आरोपी आहेत, ज्यामध्ये तीस्ता देखील आरोपी आहे. तिस्ता यांच्या कार्यालयाची आणि घराचीही चौकशी करण्यात येणार आहे. गुजरात एटीएसचे दोन पथक मुंबईत पोहोचले होते. तीस्ता सेटलवाड यांना त्यांच्या मुंबईतील घरातून सांताक्रूझ पोलीस ठाण्यात नेण्यात आलं.
 
2002 च्या गुजरात दंगलीत पंतप्रधान नरेंद्र मोदी आणि इतर 63 जणांना एसआयटीने दिलेल्या क्लीन चिटला आव्हान देणारी याचिका सर्वोच्च न्यायालयाने शुक्रवारी फेटाळून लावली.
 
अहमदाबादमधील गुलबर्ग सोसायटीतील दंगलीत काँग्रेसचे माजी खासदार अहसान जाफरी यांच्यासह एकूण 69 जणांचा मृत्यू झाला होता.
 
या प्रकरणात नरेंद्र मोदी आणि इतर कथित गुन्हेगारांना विशेष तपास पथकाने (एसआयटी) क्लीन चिट दिली होती. या संदर्भात पुन्हा चौकशी व्हावी अशी मागणी एहसान जाफरी यांच्या पत्नी झकिया जाफरी यांनी केली होती.झकिया जाफरी यांच्या या कायदेशीर लढाईत तीस्ता सेटलवाड सहयाचिकाकर्ता आहेत.