नाना पटोलेंवर कठोर कारवाई करा, भाजपचं राज्यपालांना निवेदन
काँग्रेस प्रदेशाध्यक्ष नाना पटोले यांच्या मोदींबाबतच्या वादग्रस्त वक्तव्यानंतर भाजप कार्यकर्ते रस्त्यावर उतरले. विरोधी पक्षनेते देवेंद्र फडणवीस, प्रदेशाध्यक्ष चंद्रकांत पाटील, केंद्रीय मंत्री नितीन गडकरी आदी भाजप नेत्यांनी पटोलेंविरोधात गुन्हा दाखल करण्याची मागणी केली आहे.
मुंबईतील भाजप नेत्यांनी राज्यपाल भगतसिंह कोश्यारी यांची भेट घेत पटोले यांच्याविरोधात कारवाईची मागणी केलीय. त्याबाबतचं एक निवदेन राज्यपालांना देण्यात आलं आहे.
19 जानेवारी 2022 रोजी सकाळी 11 वाजेपर्यंत पटोले यांच्यावर कारवाई झाली नाही तर चर्चगेट येथील गांधीजी यांच्या पुतळ्याजवळ उपोषणाला बसणार असल्याचा इशारा मुंबई भाजपा अध्यक्ष आणि आमदार मंगल प्रभात लोढा यांनी राज्यपालांच्या भेटी दरम्यान दिला.
